ବାଣ ଫ୍ୟାକ୍ଟ୍ରିରେ ବିସ୍ଫୋରଣ, 6 ମୃତ

ତାମିଲନାଡୁର ବିରୁଧନଗର ଜିଲ୍ଲାର ସିପିପରାଇ ଗାଁରେ ଥିବା ଏକ ବାଣ ଫ୍ୟାକ୍ଟ୍ରିରେ ବିସ୍ଫୋରଣ । ଦୁର୍ଘଟଣାରେ 6 ମୃତ । ଅଧିକ ପଢନ୍ତୁ...

ଚେନ୍ନାଇ: ତାମିଲନାଡୁର ବିରୁଧନଗର ଜିଲ୍ଲାରେ ବଡ ଅଘଟଣ । ସତୁର ନିକଟ ସିପିପରାଇ ଗାଁରେ ଥିବା ଏକ ବାଣ ଫ୍ୟାକ୍ଟ୍ରିରେ ବିସ୍ଫୋରଣ ହୋଇଛି । ଦୁର୍ଘଟଣାରେ 6 ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି ।

ନିଆଁ ଲାଗିବା ପରେ ବାଣ ଫ୍ୟାକ୍ଟ୍ରିର 2ଟି ହଲ ସମ୍ପୂ୍ର୍ଣ୍ଣ ଜଳିଯାଇଛି । ଘଟଣାସ୍ଥଳରେ ଦମକଳ କର୍ମୀ ପହଞ୍ଚିଥିବା ବେଳେ ନିଆଁଲିଭା କାର୍ଯ୍ୟ ଜାରି ରହିଛି । ପୂର୍ବରୁ 2012ରେ ମଧ୍ୟ ତାମିଲନାଡୁର ଏକ ବାଣ କାରଖାନାରେ ଭୟାବହ ଅଗ୍ନିକାଣ୍ଡ ଘଟିଥିଲା । ଏଥିରେ ଅନେକ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ କିଛି ଲୋକ ଆହତ ହୋଇଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ