ରକ୍ତ ରଞ୍ଜିତ ପଶ୍ଚିମବଙ୍ଗ, ମାଲଦାରୁ ମିଳିଲା ବିଜେପି କର୍ମୀଙ୍କ ମୃତଦେହ

ପଶ୍ଚିମବଙ୍ଗ ମାଲଦାରୁ ପୁଣି ଜଣେ ବିଜେପି କାର୍ଯ୍ୟକର୍ତ୍ତାଙ୍କ ମୃତ ଦେହ ମିଳିଛି । ଏହାକୁ ନେଇ କୋଲକାତାରେ ବିଜେପି ବୁଧବାର ବିରୋଧ ପ୍ରଦର୍ଶନ କରିବା ସହତ ପୋଲିସ ମୁଖ୍ୟାଳୟ ଘେରାଉ କରିଛି ।

କୋଲକାତା: ଲୋକସଭା ନିର୍ବାଚନ ପରେ ପଶ୍ଚିମବଙ୍ଗରେ ହିଂସା ଏବେ ଚରମ ସ୍ତରରେ ପହଞ୍ଚିଛି । ରାଜନୈତିକ ଅସହିଷ୍ଣୁତା ଉଗ୍ର ରୂପ ଧାରଣ କରିଥିବା ବେଳେ ହତ୍ୟା ଦିନକୁ ଦିନ ବଢି ଚାଲିଛି । ବଙ୍ଗମାଟି ହେଉଛି ରକ୍ତ ରଞ୍ଜିତ ।

ପଶ୍ଚିମବଙ୍ଗ ମାଲଦାରୁ ପୁଣି ଏକ ବିଜେପି କାର୍ଯ୍ୟକର୍ତ୍ତାଙ୍କ ମୃତ ଦେହ ମିଳିବା ପରେ ରାଜନୈତିକ ଲଢେଇରେ ତିକ୍ତତା ଆହୁରି ବଢି ଯାଇଛି । ଏହାକୁ ନେଇ କୋଲକାତାରେ ବିଜେପି ବୁଧବାର ବିରୋଧ ପ୍ରଦର୍ଶନ କରିବା ସହତ ପୋଲିସ ମୁଖ୍ୟାଳୟ ଘେରାଉ କରିବା ନେଇ ଜଣା ପଡିଛି ।

ବିଜେପି କାର୍ଯ୍ୟକର୍ତ୍ତା ଆଶିଷ ସିଂହ ଦୁଇ ଦିନ ପୂର୍ବରୁ ନିଖୋଜ ଥିବା ବେଳେ ତାଙ୍କ ମୃତ ଦେହ ଇଂଲିସ ବଜାର ନିକଟରୁ ମିଳିଛି । ପୋଲିସ ମୃତ ଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।

ଆଶିଷଙ୍କ ମୃତଦେହ ମିଳିବା ପରେ ବିଜେପି କାର୍ଯ୍ୟକର୍ତ୍ତା ବିରୋଧ ପ୍ରଦର୍ଶନ ଆରମ୍ଭ କରି ଦେଇଥିବା ବେଳେ ଅନେକ ସଂଖ୍ୟାରେ କର୍ମକର୍ତ୍ତା ପୋଲିସକୁ ଘେରିବା ସହ ମମତା ସରକାରଙ୍କ ବିରୋଧରେ ନାରାବାଜି କରୁଛନ୍ତି ।