ନୂଆଦିଲ୍ଲୀ: ଲୋକସଭା ନିର୍ବାଚନକୁ ଆଉ ମାତ୍ର ଅଳ୍ପଦିନର ଅପେକ୍ଷା । ଏହାପୂର୍ବରୁ ରାଜନୈତିକ ଦଳଗୁଡିକ କରୁଛି ନିଜ ନିଜ ପ୍ରାର୍ଥୀଙ୍କ ନାଁ ଘୋଷଣା । ଏହି କ୍ରମରେ ବିଜେପି ଆଜି (ବୁଧବାର) ଜାରି କରିଛି ୧୬ତମ ପ୍ରାର୍ଥୀ ତାଲିକା । ଯେଉଁଥିରେ ରହିଛି ୟୁପିର ୬ ଓ ମହାରାଷ୍ଟ୍ରର ଜଣେ ପ୍ରାର୍ଥୀଙ୍କ ନାଁ ।
ଏହି ତାଲିକା ଅନୁସାରେ ବିଜେପିର ବରିଷ୍ଠ ନେତା ତଥା ମହାରାଷ୍ଟ୍ରର ମୁମ୍ବାଇ ନର୍ଥ-ଇଷ୍ଟର ସାଂସଦ କିରୀଟ ସୋମୈୟାଙ୍କ ଟିକେଟ କାଟିଛି ଦଳ । ତାଙ୍କ ସ୍ଥାନରେ ମନୋଜ କୋଟାକଙ୍କୁ ଦିଆଯାଇଛି ଟିକେଟ । ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ସଂସଦୀୟ କ୍ଷେତ୍ର ରାୟବରେଲୀରୁ ଦିନେଶ ପ୍ରତାପ ସିଂଙ୍କୁ ବିଜେପି ନିର୍ବାଚନୀ ମୈଦାନକୁ ଓହ୍ଲାଇଛି । ଅନ୍ୟପକ୍ଷେ ଏସପି ଅଧ୍ୟକ୍ଷ ଅଖିଳେଶ ଯାଦବଙ୍କ ବିରୋଧରେ ଆଜମଗଡରୁ ଭୋଜପୁର ଅଭିନେତା ନିରହୁଆ ଛିଡା ହୋଇଛନ୍ତି ।