ବିଜେପି ଭାରତୀୟ ଜିଦ୍ଦି ପାର୍ଟିରେ ପରିଣତ ହୋଇଛି: କଂଗ୍ରେସ

କଂଗ୍ରେସର ବରିଷ୍ଠ ନେତା ଅଭିଷେକ ମନୁ ସିଂଘଭୀ ବିଜେପିକୁ ଜିଦ ପାର୍ଟି ବୋଲି ଅଭିହିତ କରିଛନ୍ତି।

ନୂଆଦିଲ୍ଲୀ: ନାଗରିକ ସଂଶୋଧନ ଆଇନକୁ ନେଇ କଂଗ୍ରେସ, ବିଜେପି ଉପରେ ବର୍ଷିଛି। ଦଳର ବରିଷ୍ଠ ନେତା ଅଭିଷେକ ମନୁ ସିଂଘଭୀ ବିଜେପିକୁ ଜିଦ ପାର୍ଟି ବୋଲି ଅଭିହିତ କରିଛନ୍ତି। ସେ କହିଛନ୍ତି ଯେ, ବିଜେପି କାହାରିକି ଖାତିର କରୁନାହିଁ, କାହା କଥା ଭାବୁନାହିଁ, କାହାକୁ ଦେଖୁନାହିଁ ଓ କାହା କଥା ଶୁଣୁନାହିଁ। ଯାହା ଫଳରେ ବିଜେପି ଭାରତୀୟ ଜିଦ୍ଦି ପାର୍ଟିରେ ପରିଣତ ହୋଇଛି।

ଗୁରୁବାର ଏକ ପ୍ରେସ କନଫରେନ୍ସରେ ଅଭିଷେକ ମନୁ ସିଂଘଭୀ କହିଛନ୍ତି, ଦେଶରେ ଅସନ୍ତୋଷ, କ୍ରୋଧ, ପ୍ରତିକ୍ରିୟା, ବୟାନବାଜି, ବିକ୍ଷୋଭ, ଶୋଭାଯାତ୍ରା ଜାରି ରହିଛି। ଏହା ପାଇଁ ସରକାର ଦାୟୀ ବୋଲି ସେ ଉଲ୍ଲେଖ କରିଛନ୍ତି। ଏପରିକି ଉତ୍ତରପ୍ରଦେଶରେ 3ହଜାରରୁ ଅଧିକ ନେତାଙ୍କୁ ଗିରଫ କରାଯାଇଥିବା ବେଳେ ସୀତାରାମ ୟେଚୁରୀ, ରାମଚନ୍ଦ୍ର ଗୁହା ଆଦି ନେତାଙ୍କୁ ଗିରଫ କରାଯାଇଥିବା ସେ କହିଛନ୍ତି।