ପାଟନା: ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ପରିବାରରେ ନୂଆମୋଡ । ବିହାର ଲୋକସଭା ନିର୍ବାଚନକୁ ନେଇ ଲାଲୁ ଯାଦବଙ୍କ ବଡ ପୁଅ ତେଜ ପ୍ରତାପଙ୍କ ୟୁ-ଟର୍ଣ୍ଣ । ଦୁଇ ଭାଇ ଭିତରେ ଚାଲିଥିବା ମହାଭାରତରେ ସାନ ଭାଇକୁ ନେଇ ଚାଲିଥିବା ମତଭେଦ ମଧ୍ୟରେ ହଠାତ ତେଜଙ୍କ ବଢିଛି ଭାଇ ପ୍ରୀତି ।
ଗତ କିଛିଦିନ ତଳେ ସମ୍ପତ୍ତି ବିବାଦକୁ ନେଇ ଦୁଇ ଭାଇଙ୍କ ବିବାଦ ଚାଲିଥିଲା । ପରେ ପରିବାର ବିରୋଧରେ ବିଦ୍ରୋହର ବିଗୁଲ ବଜାଉଥିବା ତେଜପ୍ରତାପଙ୍କୁ ବଡ ଭଉଣୀ ମିସା ଯାଦବଠୁ ସମର୍ଥନ ନମିଳିବାରୁ ଏଭଳି ୟୁ-ଟର୍ଣ୍ଣ ନେଇଥିବା କୁହାଯାଉଛି । ବିଗତ ଦିନ ରାଲିରେ ତେଜ ନିଜକୁ 'ଦ୍ବିତୀୟ ଲାଲୁ' କହୁଥିବା ତେଜପ୍ରତାପ ନିଜ ସାନ ଭାଇକୁ ପ୍ରଶଂସା କରି ଏକ ଭାବବିହ୍ବଳ ଟ୍ବିଟ କରିଛନ୍ତି ।