ପାଟନା: ପୁଣି ଆଡମିଟ୍ କାର୍ଡ ବଣ୍ଟନରେ ଅନିୟମିତତା । ପରୀକ୍ଷାର୍ଥୀଙ୍କ ପରିବର୍ତ୍ତେ ଲାଗିଛି ସେଲିବ୍ରେଟୀଙ୍କ ଫଟୋ । ଏଭଳି ଦୃଶ୍ୟ ଦେଖିବାକୁ ମିଳିଛି ବିହାରରେ ।
ତେବେ ବିହାର ବୋର୍ଡ ପରୀକ୍ଷା ପାଇଁ ଅନଲାଇନ୍ ମାଧ୍ୟମରେ ଆଡମିଟ୍ କାର୍ଡ ଜାରି କରାଯାଇଥିଲା । ଏହା ମଧ୍ୟରେ ଜହାନାବାଦର ଜଣେ ପୁରୁଷ ପରିକ୍ଷାର୍ଥୀ ଋଷିକେଷ କୁମାରଙ୍କ କାର୍ଡରେ ଲୋକପ୍ରିୟ ସାଉଥ୍ ଅଭିନେତ୍ରୀ ଅନୁପମା ପରମେଶ୍ବରନଙ୍କ ଫଟୋ ଛପା ଯାଇଥିଲା । ଋଷିକେଷ ଆଡମିଡ କାର୍ଡ ଡାଉନଲୋଡ କରିବା ପରେ ଆଶ୍ଚର୍ଯ୍ୟ ହୋଇଥିଲେ । ଏହାପରେ ସେ ଲଗାତାର ବୋର୍ଡର ଚକ୍କର ଲଗାଇଥିଲେ ।
ତେବେ ପରୀକ୍ଷା ପୂର୍ବରୁ ଏପରି ବେପାରୱା କାର୍ଯ୍ୟକଳାପ କିଛି ନୂଆ କଥା ନୁହେଁ । ପୂର୍ବରୁ ମଧ୍ୟ ବିହାରରେ ସନି ଲିଓନିଙ୍କ ପରୀକ୍ଷା ପାଇଁ ଆବେଦନ କରିବା ଚର୍ଚ୍ଚାର ବିଷୟ ପାଲଟିଥିଲା । କେବଳ ଋଷିକେଷଙ୍କ ଆଡମିଟ୍ କାର୍ଡ ନୁହେଁ ତାଙ୍କ ପରି ଅନେକଙ୍କ ଆଡମିଟ କାର୍ଡରେ ଏପରି ଅନିୟମିତତା ଦେଖାଦେଇଛି ।
ଏଠାରେ ସୂଚନାଯୋଗ୍ୟ, ଫିଲ୍ମ ଅଭିନେତ୍ରୀ ଅନୁପମା ପରମେଶ୍ବରନ ତାମିଲ, ତେଲୁଗୁ, ମଲାୟାଲମ ଏବଂ କନ୍ନଡ ଫିଲ୍ମର କାମ କରି ସାରିଛନ୍ତି । ସାଉଥରେ ତାଙ୍କୁ ଖୁବ୍ ପସନ୍ଦ କରାଯାଏ । ଅନୁପମାଙ୍କ ପ୍ରଥମ ଫିଲ୍ମ ପ୍ରେମମ୍ 2015 ମସିହାରେ ରିଲିଜ ହୋଇଥିଲା । ଯାହା ତାଙ୍କୁ କ୍ୟାରିୟରକୁ ଏକ ଉଚ୍ଚସ୍ତରକୁ ନେବାରେ ସହାୟତା କରିଥିଲା ।