106 ଏକର ଜବରଦଖଲ ଜମି ଏଏଆଇକୁ ହସ୍ତାନ୍ତର କଲେ ମଧ୍ୟପ୍ରଦେଶ ସରକାର

ଗୁରୁବାର ମଧ୍ୟପ୍ରଦେଶ ସରକାରଙ୍କ ଦଖଲରେ ଥିବା ଭାରତୀୟ ବିମାନବନ୍ଦର ପ୍ରାଧିକରଣର 106.76 ଏକର ଜମି ହସ୍ତାନ୍ତର କରିବା ପ୍ରସ୍ତାବକୁ କ୍ୟାବିନେଟର ମଞ୍ଜୁର

ଭୋପାଳ: ଗୁରୁବାର ମଧ୍ୟପ୍ରଦେଶ ସରକାରଙ୍କ ଦଖଲରେ ଥିବା ଭାରତୀୟ ବିମାନବନ୍ଦର ପ୍ରାଧିକରଣର 106.76 ଏକର ଜମି ହସ୍ତାନ୍ତର କରିବା ପ୍ରସ୍ତାବକୁ କ୍ୟାବିନେଟର ମଞ୍ଜୁର

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟରେ ଏହି ନିଷ୍ପତି ନିଆଯାଇଛି । ଭୋପାଳର ଗାନ୍ଧୀନଗରସ୍ଥିତ ଭାରତୀୟ ବିମାନବନ୍ଦର ପ୍ରାଧିକରଣ (ଏଏଆଇ)ର 106.76 ଏକର ଜମି ଯାହା ବର୍ତ୍ତମାନ ମଧ୍ୟପ୍ରଦେଶ ସରକାରଙ୍କ ଦଖଲରେ ରହିଛି ତାହାକୁ ହସ୍ତାନ୍ତର କରିବା ଲାଗି ଏଏଆଇର ପ୍ରସ୍ତାବକୁ ମଞ୍ଜୁର କରିଛନ୍ତି । ଏହି ଜମି ମଧ୍ୟପ୍ରଦେଶ ସରକାରଙ୍କ ଦ୍ଵାରା ପୂର୍ବରୁ ପ୍ରଦାନ କରାଯାଇଥିବା 96.56 ଏକର ଜମି ବଦଳରେ ହସ୍ତାନ୍ତର କରାଯିବ । ମଧ୍ୟପ୍ରଦେଶ ସରକାରଙ୍କ ଦ୍ଵାରା ଅବଶିଷ୍ଟ ପାଖାପାଖି 10.20 ଏକର ଜମି ଏଏଆଇକୁ ହସ୍ତାନ୍ତର କରାଯିବ ।

ଏଠାରେ ସୂଚନା ଯୋଗ୍ୟ ଯେ ଏହି ଜମି ଭୋପାଳ ବିମାନ ବନ୍ଦରର ବର୍ତ୍ତମାନର ଜମିକୁ ଲାଗିରହିଛି । ଏହାର ଉପଯୋଗ ବିମାନ ଚଳାଚଳ ଲାଗି ଏଏଆଇ ଦ୍ଵାରା କରାଯାଇପାରିବ । ଏହାଦ୍ଵାରା ଏଏଆଇର 106.76 ଏକର ଜମିକୁ ମୁକ୍ତ କରିବାରେ ସହାୟତା ମିଳିପାରିବ ଯାହାର ବ୍ୟବହାର ମଧ୍ୟପ୍ରଦେଶ ରାଜ୍ୟ ସରକାର ବିଭିନ୍ନ ଉଦ୍ଦେଶ୍ୟ ଲାଗି କରୁଛନ୍ତି । ଏଠାରେ ସରକାରୀ କାର୍ଯ୍ୟାଳୟ, ଜନ ସୁବିଧା ସେବା ଏବଂ ବିସ୍ଥାପିତ ପରିବାରଙ୍କ ଥଇଥାନ ପାଇଁ କରାଯାଇଛି ।

ଏହାସହ ଶୁକ୍ରବାରଠାରୁ ଭୋପାଳ ବିମାନବନ୍ଦରେ ନୂତନ ସେବା ଆରମ୍ଭ କରାଯାଇଛି । ଏଣିକି ବିମାନବନ୍ଦରରୁ ବସ ସେବା ଉପଲବ୍ଧ କରାଯିବାର ସମସ୍ତ ବ୍ୟବସ୍ଥା କରାଯିବ ବୋଲି କୁହାଯାଇଛି ।