‘ବାସନ ବ୍ୟାଙ୍କ’ ଦେଉଛି ଭୋଜି ପାଇଁ ଷ୍ଟିଲ ବାସନ

ଏକ ପ୍ଲାଷ୍ଟିକ ମୁ୍କ୍ତ ପରିବେଶ ପାଇଁ ମଧ୍ୟପ୍ରଦେଶର ବୈତୁଲ ପୌରପରିଷଦ ଆରମ୍ଭ କରିଛି ଏକ ନିଆରା ପଦକ୍ଷେପ । ଏକ ବାସନ ବ୍ୟାଙ୍କ ଖୋଲି ବିଭିନ୍ନ କାର୍ଯ୍ୟକ୍ରମରେ ଲୋକଙ୍କୁ ଯୋଗାଉଛି ଷ୍ଟିଲ ବାସନ । ଅଧିକ ପଢ଼ନ୍ତୁ...

ଭୋପାଳ: ପ୍ଲାଷ୍ଟିକର ବ୍ୟବହାରକୁ ହ୍ରାସ କରିବା ଦିଗରେ ଭିନ୍ନ ଏକ ପ୍ରୟାସ କରିଛି ମଧ୍ୟପ୍ରଦେଶର ବୈତୁଲ ପୌରପରିଷଦ । ଏକ ‘ବାସନ ବ୍ୟାଙ୍କ’ର ଶୁଭାରମ୍ଭ କରି ଲୋକଙ୍କୁ ବିଭିନ୍ନ କାର୍ଯ୍ୟକ୍ରମମାନଙ୍କରେ ଥାଳି, ଚାମଚ ଓ ଗ୍ଲାସ ଆଦି ଷ୍ଟିଲ ବାସନ କୁସନ ଯୋଗାଇ ଦେଉଛି ।

ଏହି ବାସନ ବ୍ୟାଙ୍କ ଖୋଲିବାର ଉଦ୍ଦେଶ୍ୟ ଦେଉଛି ଲୋକଙ୍କୁ ସିଙ୍ଗଲ ୟୁଜ ପ୍ଲାଷ୍ଟିକ ବ୍ୟବହାରରୁ ନିବୃତ କରିବା । ଯାହାଦ୍ବାରା ସହରରେ ବୃଦ୍ଧି ପାଉଥିବା ପ୍ଲାଷ୍ଟିକ ଆବର୍ଜନାର ପରିମାଣକୁ କମ କରାଯାଇ ପାରିବ । ତେବେ ଏହି ବାସନ ବ୍ୟାଙ୍କ ସେବା ସମ୍ପୂର୍ଣ୍ଣ ମାଗଣା ହୋଇଥିବାବେଳେ ଲୋକଙ୍କୁ କେବଳ ସିକ୍ୟୁରିଟି ବାବଦକୁ କିଛି ଟଙ୍କା ଜମା କରିବାକୁ ପଡିଥାଏ ।

ସବୁଠାରୁ ବଡ଼ କଥା ହେଉଛି ଏହି ସେବା ପାଇଁ ପୌର ପରିଷଦର ସମସ୍ତ କର୍ମଚାରୀ ନିଜର ଗୋଟିଏ ମାସର ଦରମା ଦାନ କରିଛନ୍ତି । ଏହାସହ ଲୋକମାନେ ମଧ୍ୟ ଏହି ବାସନ ବ୍ୟାଙ୍କ ପାଇଁ 100 ଟଙ୍କା ଲେଖାଏଁ ଦାନ କରିଛନ୍ତି । ବର୍ତ୍ତମାନ ସୁଦ୍ଧା ଏହି ବାସନ ବ୍ୟାଙ୍କରେ ତିନିହଜାର ଥାଳି ଓ ଅନ୍ୟାନ୍ୟ ଷ୍ଟିଲ ଜିନିଷ ଲୋକଙ୍କ ବ୍ୟବହାର ପାଇଁ ରହିଛି ।

ଏହି ପଦକ୍ଷେପ ଲୋକଙ୍କୁ ନିଶ୍ଚିତ ଭାବେ ପ୍ଲାଷ୍ଟିକ ବ୍ୟବହାରରୁ ନିବୃତ କରିବ ଓ ସମାଜରେ ଏକ ଉଦାହରଣ ସୃଷ୍ଟି କରିବା ବୋଲି ବିଶ୍ବାସ କରାଯାଉଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ