କ୍ୟାବିନେଟ ଦେଲା ମଞ୍ଜୁରୀ: ଭିକ୍ଷାବୃତ୍ତି କରିପାରିବେ ଟ୍ରାନ୍ସଜେଣ୍ଡର

ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟର ଜଣେ ଅଧିକାରୀଙ୍କ କହିବା ଅନୁଯାୟୀ ଏବେ ପୁଣିଥରେ ଭିକ୍ଷାବୃତ୍ତି କରିପାରିବେ ଟ୍ରାନ୍ସଜେଣ୍ଡର। ଏହି ନିୟମକୁ କ୍ୟାବିନେଟରେ ମଞ୍ଜୁରୀ ମିଳିଛି। ପୂର୍ବରୁ ସେମାନଙ୍କୁ ଜରିମାନା ଦେବାକୁ ପଡୁଥିଲ।

ନୂଆଦିଲ୍ଲୀ: ଏଣିକି ଟ୍ରାନ୍ସଜେଣ୍ଡରଙ୍କୁ ମିଳିଲା ଆଶ୍ବସ୍ଥି । 2019 ପୂର୍ବରୁ ସେମାନଙ୍କ ଉପରେ ଲାଗୁ ହୋଇଥିବା ବିବାଦୀୟ ନିୟମକୁ ହଠାଇ ଦିଆଯାଇଛି । ତୃତୀୟଲିଙ୍ଗୀ ବିଧେୟକ ଅନୁସାରେ ଏହି ନିୟମକୁ ହଟାଯାଇଛି । ପୂର୍ବରୁ ତୃତୀୟଲିଙ୍ଗୀଙ୍କ ଭିକ୍ଷା ମାଗିବା ଅପରାଧ ଥିଲା । ଏବେ ତାହା ଉପରେ ଲାଗୁ ହୋଇଥିବା ସମସ୍ତ ନିୟମ ଉଠିଯାଇଛି । କିଛିଦିନ ତଳେ କେନ୍ଦ୍ରୀୟ କ୍ୟାବିନେଟରେ ଏହାକୁ ମଞ୍ଜୁରୀ ମିଳିଛି । ଏବେ ଏହାକୁ ସଂସଦରେ ଉପସ୍ଥାପନା କରାଯିବ ।

ପୂର୍ବରୁ ତୃତୀୟଲିଙ୍ଗୀଙ୍କୁ ଏହା ପ୍ରମାଣ କରିବାକୁ ହେଉଥିଲା ଯେ ସେମାନଙ୍କ ପାଖରେ ତୃତୀୟଲିଙ୍ଗୀର ପ୍ରମାଣପତ୍ର ଅଛି ନା ନାହିଁ । ବର୍ତ୍ତମାନ ସେହି ନିୟମକୁ ମଧ୍ୟ ହଟାଇ ଦିଆଯାଇଛି । ଏହି ନିୟମକୁ ନେଇ ପୂର୍ବରୁ ବହୁ ଲୋକେ ବିରୋଧ କରୁଥିଲେ। ସୂଚନା ଥାଉକି, ପୂର୍ବ ବିଧେୟକ ନିୟମ ଅନୁସାରେ ଧାରା 8 ସେକ୍ସନ 19 ଅନୁଯାୟୀ କୁହାଯାଇଥିଲା ଯେ ଯଦି କୌଣସି ତୃତୀୟଲିଙ୍ଗୀ ସରକାରୀ ନିର୍ଦ୍ଧାରିତ ଚାକିରି ଛଡା ଭିକ୍ଷା ମାଗିବା କମ୍ବା ଅନ୍ୟଙ୍କ ଦ୍ବାରା ଭିକ୍ଷାବୃତ୍ତି କରାଯାଏ କିମ୍ବା ଅନ୍ୟଙ୍କ ରୋଜଗାର ପାଇଁ କାମ କରିବାକୁ ବାଧ୍ୟ କରେ ତେବେ ସେମାନଙ୍କୁ 6 ମାସ ଜେଲ ଦଣ୍ଡ ହେବ ।