ନୂଆଦିଲ୍ଲୀ: ଗତିମାନ ଭଳି ଭିଆଇପି ଟ୍ରେନରେ ଜଣେ ଭିକାରୀର ଯାତ୍ରା, ତାହା ପୁଣି ସମ୍ପୂର୍ଣ୍ଣ ମାଗଣାରେ । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଘଟଣାଟି ସତ । ତେବେ ସବୁଠାରୁ ଆଶ୍ଚର୍ଯ୍ୟର କଥା ହେଉଛି ଯେ, ପୋଲିସରେ ଅଭିଯୋଗ କରିଥିଲେ ମଧ୍ୟ ଉକ୍ତ ଭିକାରୀକୁ ଖୋଜି ପାଇବାରେ ବିଫଳ ହୋଇଥିଲେ ପୋଲିସ କର୍ମଚାରୀ ।
ଭିଡ଼ିଓ ସୌଜନ୍ୟ: ଇଟିଭି ଭାରତ ବ୍ୟୁରୋ
ମିଳିଥିବା ସୂଚନା ମୁତାବକ ଖବରଟି ଗତ ରବିବାରର । ଆଗ୍ରାରୁ ଟ୍ରେନ ଯାତ୍ରା ଆରମ୍ଭ କରିବା ପରେ ପରେ ଏହି ଭିକାରୀଟି ଖାଲି ବୋତଲ ଧରି ଟ୍ରେନରେ ଏପଟ ସେପଟ ବୁଲିଥିଲା । ତେବେ ଏହାକୁ ଗାଡ଼ିରୁ ଓହ୍ଲାଇବା ପାଇଁ ଟ୍ରେନର କର୍ତ୍ତୃପକ୍ଷଙ୍କୁ ମଧ୍ୟ ଜଣାଇଥିଲେ । ଏପରିକି ଟ୍ରେନ ଟିଟିଇକୁ ମଧ୍ୟ ଡକାଇଥିଲେ । ମାତ୍ର ଯାତ୍ରୀଙ୍କ ସମସ୍ତ ପ୍ରୟାସ ବିଫଳ ହୋଇଥିଲା ।