ନୂଆଦିଲ୍ଲୀ: 2019ରେ ଡିସ୍କୋଭରୀ ଚ୍ୟାନେଲର ଲୋକପ୍ରିୟ ସିରିଜ 'ମ୍ୟାନ ଭର୍ସେସ ୱାଇଲ୍ଡ'ରେ ନଜର ଆସିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଶୋ'କୁ ହୋଷ୍ଟ୍ କରିଥିଲେ ବେୟର ଗ୍ରିଲ୍ସ । ଏବେ ଗ୍ରିଲ୍ସ ସେ ସମୟର ଫଟୋ ସେୟାର କରି ନିଜ ପସନ୍ଦର ଫଟୋଗୁଡିକ ମଧ୍ୟରେ ଏହା ଅନ୍ୟତମ ବୋଲି ଲେଖିଛନ୍ତି ।
ଫଟୋରେ ଗ୍ରିଲ୍ସ ଓ ପିଏମ ମୋଦି ଚା' ପିଉଥିବାର ନଜର ଆସିଛନ୍ତି । ପିଏମ ମୋଦିଙ୍କ ଏହି ଏପିସୋଡର ସୁଟିଂ ବିଶ୍ବର ପ୍ରସିଦ୍ଧ ଜିମ କାର୍ବେଟ ନ୍ୟାସନାଲ ପାର୍କରେ କରାଯାଇଥିଲା ।
ଗ୍ରିଲ୍ସ ଟ୍ବିଟରେ ଲେଖିଛନ୍ତି ଯେ, ମୋ ପସନ୍ଦର ଫଟୋ ଭିତରୁ ଗୋଟିଏ । ଡିସ୍କୋଭରୀ ଜଙ୍ଗଲ ଆଡ୍ଭେଞ୍ଚର ସମୟରେ ବର୍ଷାରେ ଭିଜିବା ପରେ ପ୍ରଧାନମନ୍ତ୍ରୀ ମୋଦିଙ୍କ ସହ ଗୋଟିଏ କପ ଚା' ପିଇବାର ଏହି ମୁହୂର୍ତ୍ତ ମୋତେ ମନେ ପକାଇ ଦିଏ ଯେ ଜଙ୍ଗଲ ସମସ୍ତଙ୍କୁ ସମାନ ଭାବରେ ଆଣିଥାଏ । ମାସ୍କ ପଛରେ ଆମେ ସମସ୍ତେ ସମାନ ଅଟୁ ବୋଲି ଗ୍ରିଲ୍ସ ଲେଖିଛନ୍ତି ।
ଏହି ସ୍ବତନ୍ତ୍ର ଏପିସୋଡରେ ପିଏମ ମୋଦି ଓ ଗ୍ରିଲ୍ସ ଜଙ୍ଗଲରେ ବର୍ଷା ଓ ଥଣ୍ଡାର ସାମ୍ନା କରିଥିବା ଦେଖିବାକୁ ମିଳିଥିଲା । ଶୋ’ର ପ୍ରିମିୟର ପୂର୍ବରୁ ପ୍ରଧାନମନ୍ତ୍ରୀ ମୋଦି ଏକ ବିବୃତ୍ତିରେ କହିଥିଲେ ଯେ ମୁଁ ବର୍ଷ ବର୍ଷ ଧରି ପ୍ରକୃତି, ପର୍ବତ ଏବଂ ଜଙ୍ଗଲ ମଧ୍ୟରେ ରହି ଆସିଛି। ଏହି ବର୍ଷଗୁଡ଼ିକ ମୋ ଜୀବନରେ ଏକ ସ୍ଥାୟୀ ପ୍ରଭାବ ପକାଇଥାଏ ।