ଦୂଷିତ ହେଉଛି ଯମୁନା ଜଳ

ନମାମି ଗଙ୍ଗା ପ୍ରକଳ୍ପରେ କୋଟିକୋଟି ଟଙ୍କା ଖର୍ଚ୍ଚ ହେଉଛି । ହେଲେ ନଜର ଆଢୁଆଳରେ ରହିଯାଇଛି ଯମୁନା ନଦୀ ।

ନୂଆଦିଲ୍ଲୀ: ଦୂଷିତ ହେବାରେ ଲାଗିଛି ଯମୁନା ନଦୀ । କଥାରେ ଅଛି ଗଙ୍ଗାରେ ବୁଡ ପକାଇଲେ ଯେତିକି ପୂଣ୍ୟ ମିଳିଥାଏ, ସମାନ ପୂଣ୍ୟ ମିଳିଥାଏ ଯମୁନାରେ ବୁଡ ପକାଇଲେ । କାରଣ ଗଙ୍ଗାର ଶାଖା ନଦୀ ଯମୁନା । ନଦୀର ପାଣିକୁ ଦେଖିଲେ ବୁଡ ପକାଇବା ତ ଦୂରର କଥା ଗୋଡ ଧୋଇବା ପାଇଁ ନାକ ଟେକୁଛନ୍ତି ପର୍ଯ୍ୟଟକ ।

ନଦୀ ପାର୍ଶ୍ବରେ ଝରଣା ଭଳି ବହି ଯାଇଥିବା ପାଣି ହେଉଛି ପାଖରେ ଥିବା ବଡବଡ ହୋଟେଲ ଏବଂ ଘରର ନଳା ପାଣି । ସେହିପରି ନଦୀ କଡରେ ବସବାସ କରୁଥିବା ଲୋକେ ଯମୁନାକୁ ଆବର୍ଜନା କୁଣ୍ଡ ଭାବେ ବ୍ୟବହାର ସହ ଘରର ଜାବତ୍ୟ ଅଳିଆକୁ ନଦୀ ଗର୍ଭକୁ ଫିଙ୍ଗୁଛନ୍ତି ।

କିଭଳି ଥିଲା ଯମୁନାର ଜଳ ? ଏକ ବୋତଲରେ ଜଳକୁ ସଂଗ୍ରହ କରିଥିଲେ ଆମ ରିର୍ପୋଟର । ଜଳର ରଙ୍ଗ ଥିଲା କଳା, ଆଉ ସେଥିରେ ସାଲୁବାଲୁ ହେଉଥିଲେ ପୋକ ।

ଇଂରେଜ ଶାସନ କାଳରୁ ନଦୀ ପାର୍ଶ୍ବରେ ଗଢି ଉଠିଥିବା ଘାଟ ଆବର୍ଜନା ଓ ଅନାବନା ଗଛଲତାରେ ପୋତି ହୋଇଯାଇଛି । ପୂର୍ବରୁ ନଦୀ ପାଣିକୁ ରୋଷେଇ ପାଇଁ ଲୋକେ ବ୍ୟବହାର କରୁଥିଲେ । ହେଲେ ଏବେ ପାଣି ଅବସ୍ଥା ଯାହା ଲୋକେ ହାତ ଧୋଇବାକୁ ଡରୁଛନ୍ତି ।

ବ୍ୟୁରୋ ରିର୍ପୋଟ ଇଟିଭି ଭାରତ