ଢାକା: ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ବିୟୋଗରେ ବାଂଲାଦେଶ ପାଳୁଛି ରାଜକୀୟ ଶୋକ । ପ୍ରଣବ ମୁଖାର୍ଜୀଙ୍କୁ ଶ୍ରଦ୍ଧାଞ୍ଜଳି ଦେବାପାଇଁ ବୁଧବାର ବାଂଲାଦେଶର ଜାତୀୟ ପତାକା ଅର୍ଦ୍ଧ ନିମିତ ରହିଛି । ଦେଶର ଜଣେ ଜଣାଶୁଣା ବ୍ୟକ୍ତି ତଥା ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନାଙ୍କ ସହ ଘନିଷ୍ଠ ସମ୍ପର୍କ ଥିବା ମୁଖାର୍ଜୀଙ୍କ ପାଇଁ ବାଂଲାଦେଶ ଦିନିକିଆ ଜାତୀୟ ଶୋକ ପାଳନ କରୁଛି।
ସୋମବାର ପ୍ରଣବ ମୁଖାର୍ଜୀଙ୍କ ଦେହାନ୍ତର କିଛି ଘଣ୍ଟା ପରେ ବାଂଲାଦେଶ ପ୍ରଧାନମନ୍ତ୍ରୀ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମବେଦନା ଜଣାଇ ତାଙ୍କୁ ବାଂଲାଦେଶର ପ୍ରକୃତ ବନ୍ଧୁ ବୋଲି କହିଛନ୍ତି। ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା କହିଛନ୍ତି, ବାଂଲାଦେଶର ଲୋକମାନେ ତାଙ୍କୁ ସର୍ବଦା ସମ୍ମାନ ଦିଅନ୍ତି । ଦୁଇ ଦେଶ ମଧ୍ୟରେ ସମ୍ପର୍କକୁ ମଜବୁତ କରିବାରେ ତାଙ୍କର ନିରନ୍ତର ସମର୍ଥନ ଏବଂ ଅବଦାନ ରହିଛି । ବିଶେଷ କରି ଭାରତର 13 ତମ ରାଷ୍ଟ୍ରପତି ଭାବରେ ତାଙ୍କ କାର୍ଯ୍ୟକାଳ ମଧ୍ୟରେ। ତାଙ୍କୁ ସର୍ବଦା ସ୍ମରଣ କରାଯିବ ବୋଲି ସେ କହିଛନ୍ତି ।