ନୂଆଦିଲ୍ଲୀ: ନିକଟରେ ନେପାଳ ପ୍ରଧାନମନ୍ତ୍ରୀ କେ.ପି ଶର୍ମା ଓଲିଙ୍କ ବିବାଦୀୟ ମନ୍ତବ୍ୟ ପରେ ଉତ୍ତେଜନା ଦେଖାଦେଇଛି। କେ.ପି ଶର୍ମା ପ୍ରଭୁ ରାମଙ୍କ ଜନ୍ମସ୍ଥାନ ବିଷୟରେ ବିବାଦୀୟ ମନ୍ତବ୍ୟ ଦେଇଛନ୍ତି । ଯେଉଁଥିପାଇଁ ସେ ସୋସିଆଲ ମିଡିଆରେ ଅନେକ ସମାଲୋଚନାର ସମ୍ମୁଖୀନ ହୋଇଛନ୍ତି । ନିକଟରେ ବାବ୍ରୀ ମସଜିଦ ମାମଲାରେ ମୁସଲିମ ପକ୍ଷକାର ଇକବାଲ ଅନସାରୀଙ୍କ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ଇକବାଲ ଅନସାରୀ ନେପାଳର ବିନାଶ ବିଷୟରେ କହିଛନ୍ତି।
ନେପାଳ ପ୍ରଧାନମନ୍ତ୍ରୀଙ୍କ ବିବାଦୀୟ ମନ୍ତବ୍ୟ ପରେ ଇକବାଲ ଅନସାରୀ କହିଛନ୍ତି ଯେ, 'ନେପାଳ ପ୍ରଧାନମନ୍ତ୍ରୀଙ୍କର ଧର୍ମ ବିଷୟରେ କୌଣସି ଜ୍ଞାନ ନାହିଁ। ଅଯୋଧ୍ୟା ହେଉଛି ଧର୍ମର ନଗରୀ। ଏଠାରେ ସବୁ ଧର୍ମର ଭଗବାନ ବାସ କରନ୍ତି। ଅଯୋଧ୍ୟାରୁ 5 କିମି ଦୂରତା ମଧ୍ୟରେ ମନ୍ଦିର, ମସଜିଦ, ଚର୍ଚ୍ଚ ଓ ଗୁରୁଦ୍ୱାର ଆଦି ରହିଛି'।