ମୁମ୍ବାଇ: ବହୁ ପ୍ରତୀକ୍ଷିତ ଅଯୋଧ୍ୟା ବିବାଦରେ ପଡିଛି ପୂର୍ଣ୍ଣଚ୍ଛେଦ । ଶନିବାର ଅଯୋଧ୍ୟା ଜମି ବିବାଦ ମାମଲାର ରାୟ ପ୍ରକାଶ କରିଛନ୍ତି ସୁପ୍ରିମକୋର୍ଟ । ତେବେ କୋର୍ଟଙ୍କ ରାୟକୁ ସ୍ବାଗତ କରିଛନ୍ତି ଶିବସେନା ମୁଖ୍ୟ ଉଦ୍ଧବ ଠାକରେ । ଏହା ସହିତ ସେ ନଭେମ୍ବର 24 ରେ ଅଯୋଧ୍ୟ ଯାତ୍ରା କରିବେ ବୋଲି କହିଛନ୍ତି ।
ଅଯୋଧ୍ୟା ଗସ୍ତ ବେଳେ ଉଦ୍ଧବ ଠାକରେ ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀଙ୍କୁ ସାକ୍ଷାତ କରିବେ । ରାମ ମନ୍ଦିର ଆନ୍ଦୋଳନର ଅଧ୍ୟକ୍ଷତା ଆଡଭାନୀ କରିଥିବାରୁ ସେ ତାଙ୍କୁ ସାକ୍ଷାତକାର କରି ଧନ୍ୟବାଦ ଦେବେ ବୋଲି କହିଛନ୍ତି । ଏହାସହ ଉଦ୍ଧବ ତାଙ୍କର ଆଶୀର୍ବାଦ ମଧ୍ୟ ନେବେ ।
ରାମ ମନ୍ଦିରର ପକ୍ଷରେ ନିଷ୍ପତ୍ତି ଆସିବା ପରେ ଠାକରେ କହିଛନ୍ତି, ଆଜିର ଦିନଟି ଇତିହାସରେ ସ୍ବର୍ଣ୍ଣାକ୍ଷରରେ ଲିପିବଦ୍ଧ ହୋଇ ରହିବ । ଏହିଦିନ ବହୁ ଚର୍ଚ୍ଚିତ ଅଯୋଧ୍ୟା ଜମି ବିବାଦକୁ ନେଇ ସୁପ୍ରିମକୋର୍ଟ ଐତିହାସିକ ରାୟ ଦେଇଛନ୍ତି। ମୁଁ ଏହାକୁ ସ୍ବାଗତ କରୁଛି ସମସ୍ତେ ମଧ୍ୟ ଏହି ରାୟକୁ ସ୍ବାଗତ କରିବା ଉଚିତ ବୋଲି ସେ କହିଛନ୍ତି।
