ନୂଆଦିଲ୍ଲୀ: ତୃତୀୟ ଥର ପାଇଁ ଦିଲ୍ଲୀର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କଲେ ଆମ ଆଦମି ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ । ଦିଲ୍ଲୀର ରାମଲିଲା ମୈଦାନରେ ମଧ୍ୟାହ୍ନ 12.15 ସମୟରେ ସେ ଶପଥ ପାଠ କରିଛନ୍ତି । ଦିଲ୍ଲୀ ଉପରାଜ୍ୟପାଳ ଅନିଲ ବୈଜଲ ତାଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଛନ୍ତି ।
ଶପଥ ଗ୍ରହଣ
ରାମଲୀଳା ମୈଦାନରେ ଆୟୋଜିତ ଶପଥ ଗ୍ରହଣ ସମାରୋହରେ କେଜରିଓ୍ବାଲଙ୍କ ସମେତ ତାଙ୍କର ପୁରୁଣା ମନ୍ତ୍ରିମଣ୍ଡଳର 6 ଜଣ ସଦସ୍ୟ ମଧ୍ୟ ଶପଥପାଠ କରିଛନ୍ତି । କେଜ୍ରିୱାଲଙ୍କ ପରେ ମନୀଷ ସିସୋଦିଆ ମନ୍ତ୍ରୀ ପଦର ଶପଥ ପାଠ କରିଥିଲେ । ପରେ ପରେ ସତ୍ୟେନ୍ଦ୍ର ଜୈନ, ଗୋପାଳ ରାୟ, କୈଳାଶ ଗହଲୋତ, ଇମ୍ରାନ ହୁସେନ ଓ ରାଜେନ୍ଦ୍ର ଗୌତମ ମନ୍ତ୍ରୀ ଭାବରେ ଶପଥ ପାଠ କରିଥିଲେ । ଉପରାଜ୍ୟପାଳ ଅନିଲ ବୈଜଲ ସମସ୍ତଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଛନ୍ତି ।
ଶପଥ ଗ୍ରହଣ