କେରଳରେ ଫସିଛନ୍ତି ପଶ୍ଚିମବଙ୍ଗର 200 କର୍ମଚାରୀ, ଉଦ୍ଧାର ପାଇଁ କଲେ ନିବେଦନ

ଲକଡାଉନ ପାଇଁ ପଶ୍ଚିମବଙ୍ଗରୁ ଆସିଥିବା ଶ୍ରମିକମାନେ କେରଳରେ ଫଶି ରହିଛନ୍ତି । ସମସ୍ତ ଶ୍ରମିକ ସରକାରଙ୍କୁ ନିଜ ରାଜ୍ୟକୁ ଫେରାଇ ନେବା ପାଇଁ ଅନୁରୋଧ କରିଛନ୍ତି । ଅଧିକ ପଢନ୍ତୁ...

ଥିରୁଅନନ୍ତପୁରମ: ଦେଶରେ ଜାରି ରହିଛି ଲକଡାଉନ । ଏହି ଅବସରରେ ଯିଏ ଯେଉଁ ସ୍ଥାନରେ ରହିଛନ୍ତି ସେହିଠାରେ ରହିବାକୁ କେନ୍ଦ୍ର ଓ ରାଜ୍ୟ ସରକାର ଲୋକଙ୍କୁ ନିର୍ଦ୍ଦେଶ ଦେଇଛନ୍ତି । ଉଭୟ ସରକାରଙ୍କ ଏହି ନିର୍ଦ୍ଦେଶକୁ ନେଇ ଅନେକ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।

ସେହିପରି କେରଳର କୋଟାୟାମରେ ଫସି ରହିଛନ୍ତି ପଶ୍ଚିମବଙ୍ଗର ପ୍ରାୟ 200 କର୍ମଚାରୀ । ଏନେଇ ଜଣେ ଶ୍ରମିକ କହିଛନ୍ତି ଯେ, 'ଆମ ପାଖରେ ଟଙ୍କା ନାହିଁ, ଆମର ନିଯୁକ୍ତିଦାତା ଲକଡାଉନ ସମୟରେ ଆମକୁ ମଜୁରୀ ଦେବାକୁ ମନା କରି ଦେଇଛନ୍ତି । ତେଣୁ ଆମକୁ ପଶ୍ଚିମବଙ୍ଗ ଅର୍ଥାତ ଆମ ନିଜ ଘରେ ପହଞ୍ଚିବାକୁ ସରକାର ସାହାଯ୍ୟ କରନ୍ତୁ ବୋଲି ଆମେ ଚାହୁଁଛୁ ।'