ଯବାନଙ୍କ ମହାନତା; ପ୍ରସୂତିଙ୍କୁ ବଞ୍ଚାଇଲେ, ମେଡିକାଲକୁ ନେଲେ

ଗର୍ଭ ଯନ୍ତ୍ରଣାରେ ଛଟପଟ ପ୍ରସୂତିଙ୍କ ପାଇଁ ଭଗବାନ ସାଜିଲେ ନୌସେନା ଯବାନ। ପ୍ରସୂତିଙ୍କ ନିକଟରେ ପହଞ୍ଚିଲେ ଉଦ୍ଧାର କରିବା ସହ ମେଡିକାଲରେ ଭର୍ତ୍ତି କରିଛନ୍ତି। ଆଣ୍ଡାମାନ ନିକୋବର ଦ୍ବୀପପୁଞ୍ଜରେ ଘଟିଛି ଏହି ଘଟଣା।

ନୂଆଦିଲ୍ଲୀ: ପୁଣି ମହାନତା ଦେଖାଇଲେ ଯବାନ । ଯନ୍ତ୍ରଣାରେ ଛଟପଟ ହେଉଥିବା ଜଣେ ଗର୍ଭବତୀ ମହିଳାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି ନୌସେନା ଯବାନ । ଏଭଳି ଘଟଣା ଦେଖିବାକୁ ମିଳିଛି ଆଣ୍ଡମାନ ନିକୋବର ଦ୍ବୀପପୁଞ୍ଜର ଏକ ଗାଁରେ।

ଏଠାକାର ଜଣେ ପ୍ରସୂତି ଗର୍ଭ ଯନ୍ତ୍ରଣା ପାଉଥିବା ଖବର ପାଇଥିଲେ ନୌସେନା ଯବାନ । ଖବର ପାଇବାର ବାସ୍ କିଛି ସମୟ ମଧ୍ୟରେ ବିଜୁଳି ବେଗରେ ମହିଳାଙ୍କ ନିକଟରେ ପହଞ୍ଚିଥିଲେ। ସେଠାରୁ ମହିଳାଙ୍କୁ ଉଦ୍ଧାର କରି ସି-ପ୍ଲେନ ସାହାଯ୍ୟରେ ମେଡିକାଲ ଆଣିବା ବାଟରେ ମହିଳା ଏକ ଶିଶୁକୁ ଜନ୍ମ ଦେଇଥିଲେ। ପରେ ଉଭୟଙ୍କୁ ସ୍ଥାନୀୟ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଉଭୟେ ମା ଓ ଶିଶୁ ସୁସ୍ଥ ଅଛନ୍ତି।