ଶ୍ରୀନଗର:ସୀମାରେ ଥମୁନି ଅଶାନ୍ତି । ବାରମ୍ବାର ଫୁଟୁଛି ଗୁଳି । ଚେତାବନୀ ପରେ ମଧ୍ୟ ସୁଧୁରୁନି ପାକିସ୍ତାନ। ସୋମବାର ଶ୍ରୀନଗରର ରାମବାଗ ଅଞ୍ଚଳରେ ଏକ ଏନକାଉଣ୍ଟରରେ ଦୁଇ ଆତଙ୍କବାଦୀ ନିହତ ହୋଇଛନ୍ତି । ତେବେ ସେମାନଙ୍କ ମୃତଦେହ ଉଦ୍ଧାର କରାଯାଇଛି । ମୃତ ଆତଙ୍କବାଦୀଙ୍କ ପରିଚୟ ମିଳିଛି । ଜଣେ ପାକିସ୍ତାନର ସୌପୁଲା ହୋଇଥିବା ବେଳେ ଅନ୍ୟ ଜଣେ ସ୍ଥାନୀୟ ଅଞ୍ଚଳର ହୋଇଥିବା ସୂଚନା ମିଳିଛି ।
ଶ୍ରୀନଗର ଏନକାଉଣ୍ଟରରେ ଦୁଇ ଆତଙ୍କୀ ସଫା, ସର୍ଚ୍ଚ ଅପରେସନ ଜାରି
ସୀମାରେ ଥମୁନି ଅଶାନ୍ତି । ଶ୍ରୀନଗରର ରାମବାଗ ଅଞ୍ଚଳରେ ଏନକାଉଣ୍ଟର । ଦୁଇ ଆତଙ୍କବାଦୀ ନିହତ । ଅଧିକ ପଢନ୍ତୁ....
ଶ୍ରୀନଗରରେ ଏନକାଉଣ୍ଟର ଜାରି, ଦୁଇ ଆତଙ୍କୀ ଫସି ରହିଥିବା ସୂଚନା
ସୋମବାର ପୋଲିସ ଓ ସିଆରପିଏଫର ମିଳିତ ଉଦ୍ୟମରେ ଏହି ଅପରେସନ ଆରମ୍ଭ ହୋଇଥିଲା । ସୂଚନା ଅନୁସାରେ ସ୍ଥାନୀୟ ଅଞ୍ଚଳରେ ଆତଙ୍କବାଦୀ ଲୁଚି ରହିଥିବା ଖବର ପାଇ ମିଳିତ ଅପରେସନ କରାଯାଇଥିଲା । ଫଳରେ ଆତଙ୍କବାଦୀଙ୍କ ପକ୍ଷରୁ ଗୁଳି ବର୍ଷଣ କରାଯାଇଥିଲା । ହେଲେ ପୋଲିସ ମଧ୍ୟ ଏହାର ଦୃଢ ଜବାବ ଦେଇଥିଲା । ଫଳରେ ସୁରକ୍ଷା ବାହିନୀର ଗୁଳିରେ ସଫା ହୋଇ ଥିଲେ 2 ଆତଙ୍କବାଦୀ । ତେବେ, ଏବେବି ସର୍ଚ୍ଚ ଅପରେସନ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
Last Updated : Oct 12, 2020, 12:47 PM IST