'ଅଲ ଇଣ୍ଡିଆ ବୃକ୍ଷରୋପଣ ଅଭିଯାନ'ରେ ଯୋଗ ଦେଲେ ଅମିତ ଶାହ

ଗୁରୁଗ୍ରାମ ସ୍ଥିତି ଖାଦରପୁରରେ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ ଦ୍ବାରା ଆୟୋଜିତ ଏକ ବୃକ୍ଷ ରୋପଣ ଅଭିଯାନରେ ଯୋଗ ଦେଇ କୋଭିଡ ଯୋଦ୍ଧାଙ୍କୁ ପ୍ରଶଂସା କଲେ ଗୃହମନ୍ତ୍ରୀ ଅମିତ ଶାହ । ଅଧିକ ପଢନ୍ତୁ...

ଚଣ୍ଡିଗଡ: ହରିୟାଣାର ଗୁରୁଗ୍ରାମ ସ୍ଥିତ ଖାଦରପୁରରେ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ ଦ୍ୱାରା 'ଅଲ ଇଣ୍ଡିଆ ବୃକ୍ଷରୋପଣ ଅଭିଯାନ' ଆରମ୍ଭ ହୋଇଛି । ଏଥିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଅଂଶଗ୍ରହଣ କରି ବୃକ୍ଷରୋପଣ କରିଛନ୍ତି।

ଏହି ଅବସରରେ ଆୟୋଜିତ ଏକ ସମ୍ମିଳନୀରେ ଶାହ କହିଛନ୍ତି ଯେ, ''ସବୁଠାରୁ ଜନସଂଖ୍ୟା ବହୁଳ ଦେଶ ମଧ୍ୟରୁ ଭାରତ ଅନ୍ୟତମ । କୋରୋନା ମହାମାରୀ ସମୟରେ ସମସ୍ତେ ଭାବିଥିଲେ ଯେ, ଭାରତ ଭଳି ଦେଶ କିପରି କୋଭିଡ-19 ଯୁଦ୍ଧକୁ ମୁକାବିଲା କରିବ। ଏନେଇ ନାନା ଆଶଙ୍କାମାନ ଦେଖାଦେଇଥିଲା । ହେଲେ ଆଜି ସମଗ୍ର ବିଶ୍ୱ ସାକ୍ଷୀ ରହିଛି ଯେ କୋଭିଡ-19 ବିରୋଧରେ ସବୁଠାରୁ ସଫଳ ଯୁଦ୍ଧ କିପରି ଭାରତ ଲଢିଛି''।

କେନ୍ଦ୍ରମନ୍ତ୍ରୀ ଆହୁରି କହିଛନ୍ତି ଯେ, ''କୋଭିଡ-19 ବିରୋଧରେ ଆମର ସମସ୍ତ ସୁରକ୍ଷା ବାହିନୀ ଏକ ବଡ଼ ଭୂମିକା ଗ୍ରହଣ କରିଛନ୍ତି, ଯାହାକୁ କେହି ଅସ୍ୱୀକାର କରିପାରିବେ ନାହିଁ । ଆଜି ମୁଁ ଏହି କୋରୋନା ଯୋଦ୍ଧାମାନଙ୍କୁ ସଲାମ କରୁଛି । ସେମାନେ ପ୍ରମାଣ କରିଦେଇଛନ୍ତି ଯେ, କେବଳ ଆତଙ୍କବାଦ ସହ ନୁହେଁ ବରଂ ଲୋକଙ୍କ ପାଇଁ କୋଭିଡ ବିରୋଧରେ ଲଢିବା ସହ ଜିତିବା ମଧ୍ୟ ଜାଣିଛନ୍ତି''।