ଡେରାଡୁନ: ଆଜି (ଶନିବାର) ଭାରତୀୟ ସାମରିକ ଏକାଡେମୀ(ଆଇଏମଏ)ର ପାସିଂ ଆଉଟ ପରେଡ ଅନୁଷ୍ଠିତ ହେବ । ଏହି ପରେଡ ଭାରତୀୟ ସେନାର ୟୁଟ୍ୟୁବ ଚ୍ୟାନେଲ ମାଧ୍ୟମରେ ସିଧାପ୍ରସାରଣ କରାଯିବ । କୋରୋନା ଯୋଗୁଁ ସାର୍ବଜନୀନ କାର୍ଯ୍ୟକ୍ରମ ଗୁଡିକୁ ବନ୍ଦ କରାଯାଇଥିଲେ ମଧ୍ୟ ପାରମ୍ପରିକ ପାସିଂ ଆଉଟ ପରେଡରେ ଜୋସ୍, କ୍ୟାଡେଟମାନଙ୍କ ଭଦ୍ରତା, ଆନନ୍ଦ ଓ ଶୃଙ୍ଖଳା ସୁନ୍ଦର ଭାବେ ପ୍ରଦର୍ଶିତ ହେବ ବୋଲି ଆଶା କରାଯାଉଛି ।
ପାସିଂ ଆଉଟ ପରେଡ ହେଉଛି ଜଣେ କ୍ୟାଡେଟର କଠୋର ତାଲିମ ଓ ଭଦ୍ରତାର ପରିଚାୟକ । ଯାହା ଜଣେ ଯୁବ କ୍ୟାଡେଟର ନିଷ୍ଠା ଓ ଉଦ୍ଦେଶ୍ୟକୁ ପ୍ରତିଫଳିତ କରିଥାଏ । ଆଇଏମଏ ପ୍ରତି ଛଅ ମାସରେ କ୍ୟାଡେଟମାନଙ୍କ ପାଇଁ ଏକ ପାସିଂ ଆଉଟ ପରେଡ ଆୟୋଜନ କରିଥାଏ । ଭାରତୀୟ ସେନାର ବିଭିନ୍ନ ବିଭାଗ, ସେବା ତଥା ବିଭିନ୍ନ ଦେଶର ସେନାରେ ଯୋଗଦେବାକୁ ଥିବା କ୍ୟାଡେଟମାନଙ୍କ ପାଇଁ ଏହା ଅନୁଷ୍ଠିତ ହୋଇଥାଏ ।