ଲଦାଖ: ପୂର୍ବ ଲଦାଖରେ ଚୀନ ସୈନିକଙ୍କ ସହ ସଂଘର୍ଷରେ ଆହତ ହୋଇଥିବା ଯବାନଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ସମୟରେ ପ୍ରଧାନମନ୍ତ୍ରୀ ଆହତ ଯବାନଙ୍କ ସହ କଥାବାର୍ତ୍ତା କରି ସେମାନଙ୍କ ମନୋବଳ ବଢାଇଛନ୍ତି । ଭାରତ କାହା ଆଗରେ ମୁଣ୍ଡ ନୁଆଁଇନାହିଁ କି ଭବିଷ୍ୟତରେ ନୁଆଁଇବନାହିଁ ବୋଲି ମୋଦି କହିଛନ୍ତି ।
ଲଦାଖର ଲିମୁରେ ଆହତ ଯବାନଙ୍କୁ ଭେଟି ପ୍ରଧାନମନ୍ତ୍ରୀ କହିଛନ୍ତି, ଯେଉଁମାନେ ଭାରତୀୟ କ୍ଷେତ୍ର ଉପରେ ଖରାପ ଦୃଷ୍ଟି ପକାଇଛନ୍ତି ସେମାନଙ୍କୁ ଆମ ସୈନିକମାନେ ଉତ୍ତର ଦେଇଛନ୍ତି । ଯେଉଁ ବୀରମାନେ ଶହୀଦ ହୋଇଛନ୍ତି ସେମାନେ ବିନା କାରଣରେ ବିଦାୟ ନେଇ ନାହାଁନ୍ତି । ଆପଣ ସମସ୍ତେ (ଚୀନ ସୈନିକଙ୍କୁ) କଡା ଜବାବ ଦେଇଛନ୍ତି । ଦେଶ ସୀମା ସୁରକ୍ଷା ପାଇଁ ଆପଣଙ୍କର ସାହସିକତା, ଆପଣମାନଙ୍କ ଶରୀରରୁ ବହିଥିବା ରକ୍ତ ଆମର ଯୁବକ ଏବଂ ଦେଶବାସୀଙ୍କୁ ପ୍ରେରଣା ଯୋଗାଇବ।