ସାଧାରଣତନ୍ତ୍ର ଦିବସରେ ଆଲିଗଡ ମୁସଲିମ ବିଶ୍ବବିଦ୍ୟାଳୟ ପାଲଟିଲା ରଣକ୍ଷେତ୍ର

ଆଲିଗଡ଼ ମୁସଲିମ ବିଶ୍ବବିଦ୍ୟାଳୟ ପୁଣି ଥରେ ଚର୍ଚ୍ଚାର ବିଷୟ ପାଲଟିଛି । ପୁର ଠାରୁ ପଲ୍ଲୀ ସବୁଠି ଦେଶର ମହାନ ପର୍ବ ସାଧାରଣତନ୍ତ୍ର ଦିବସ ଆଡମ୍ବର ଓ ଶାନ୍ତିଶୃଙ୍ଖଳାରେ ପାଳନ ହୋଇଛି । ମାତ୍ର ଆଲିଗଡ଼ ମୁସଲିମ ବିଶ୍ବବିଦ୍ୟାଳୟରେ ଘଟିଛି ଅଶୋଭନୀୟ ଓ ଅଭାବନୀୟ ଘଟଣା । ଭାଇସ ଚାନସେଲର ତାରିକ ମନସୁର ପତାକା ଉତ୍ତୋଳନ କରିବା ସମୟରେ ଶୁଭିଥିଲା ଗୋ ବ୍ୟାକ ନାରା । ଅଧିକ ପଢନ୍ତୁ...

ଲକ୍ଷ୍ନୌ: ଆଲିଗଡ଼ ମୁସଲିମ ବିଶ୍ବବିଦ୍ୟାଳୟ ପୁଣି ଥରେ ଚର୍ଚ୍ଚାର ବିଷୟ ପାଲଟିଛି । ପୁର ଠାରୁ ପଲ୍ଲୀ ସବୁଠି ଦେଶର ମହାନ ପର୍ବ ସାଧାରଣତନ୍ତ୍ର ଦିବସ ଆଡମ୍ବର ଓ ଶାନ୍ତିଶୃଙ୍ଖଳାରେ ପାଳନ ହୋଇଛି । ମାତ୍ର ଆଲିଗଡ଼ ମୁସଲିମ ବିଶ୍ବବିଦ୍ୟାଳୟରେ ଘଟିଛି ଅଶୋଭନୀୟ ଓ ଅଭାବନୀୟ ଘଟଣା । ବିଶ୍ବବିଦ୍ୟାଳୟର ଭାଇସ ଚାନସେଲର ତାରିକ ମନସୁର ପତାକା ଉତ୍ତୋଳନ କରିବା ସମୟରେ ଷ୍ଟ୍ରେଚି ହଲ୍‌ ଆସିଥିଲେ । ହଲ୍‌ରେ ସେ ତାଙ୍କ ଅଭିଭାଷଣ ଆରମ୍ଭ କରିବା ସମୟରେ ପଛରେ ଛିଡା ହୋଇଥିବା କିଛି ଯୁବକ ଗୋ ବ୍ୟାକ୍‌ ନାରା ଦେଇଥିଲେ ।

ପତାକା ଉତ୍ତୋଳନ ସମୟରେ କିଛି ଯୁବକ ଗୋ ବ୍ୟାକ୍‌ ନାରା ଦେଇଥିଲେ । ପରେ ଏଏମୟୁ ସୁରକ୍ଷାକର୍ମୀ ସମ୍ପୃକ୍ତ ଛାତ୍ରଙ୍କୁ ଧରିବା ପାଇଁ ଚେଷ୍ଟା କରୁଥିବା ସମୟରେ କିଛି ସମୟ ପାଇଁ ଘଟଣାସ୍ଥଳରେ ହଟ୍ଟଗୋଳ ସୃଷ୍ଟି ହୋଇଥିଲା ।

ପତାକା ଉତ୍ତୋଳନ ସମୟରେ ହଙ୍ଗାମା କରୁଥିବା ଛାତ୍ରଙ୍କୁ ସୁରକ୍ଷା କର୍ମୀଙ୍କ ମାଡମାରିଥିବା ସୂଚନା ରହିଛି । ଛାତ୍ର ମାନେ କୁଳପତିଙ୍କୁ କଳା ପତାକା ପ୍ରଦର୍ଶନ କରିବା ପାଇଁ ପ୍ରୟାସ କରିଥିଲେ । ପରେ ସେମାନଙ୍କ ପତାକାକୁ ସୁରକ୍ଷା କର୍ମୀ ଛଡାଇଆଣିଥିଲେ । ହଙ୍ଗାମା କରିଥିବା 4 ଛାତ୍ରଙ୍କୁ ପୋଲିସକୁ ହସ୍ତାନ୍ତର କରାଯାଇଥିବା ଜଣାଯାଇଛି ।