ନୂଆଦିଲ୍ଲୀ: ବଲିଉଡ ଅଭିନେତା ଅକ୍ଷୟ କୁମାର 2019 ରେ ପ୍ରଧାନମନ୍ତ୍ରୀଙ୍କ ବାସଭବନରେ ନରେନ୍ଦ୍ର ମୋଦିଙ୍କ ସହ କରିଥିଲେ ଏକ ସ୍ବତନ୍ତ୍ର ସାକ୍ଷାତକାର । ଏହି ସାକ୍ଷାତକାରରେ ପ୍ରଧାନମନ୍ତ୍ରୀ ମୋଦି ତାଙ୍କ ଜୀବନି ଏବଂ ଅନୁଭୂତି ବିଷୟରେ ଅନେକ କଥା କହିଥିଲେ। ଏହି ସାକ୍ଷାତକାର ରାଜନୈତିକ ନଥିଲା । ମୋଦିଙ୍କ ବ୍ୟକ୍ତିଗତ ଜୀବନକୁ ନେଇ ଅନେକ ପ୍ରଶ୍ନ କରିଥିଲେ ଅକ୍ଷୟ କୁମାର ।
ଅକ୍ଷୟ କୁମାରଙ୍କ ସହ ମୋଦିଙ୍କ ସାକ୍ଷାତକାର
ସାକ୍ଷାତକାର ସମୟରେ ବିରୋଧୀଙ୍କ ମଧ୍ୟରେ ମୋଦିଙ୍କ କେହି ବନ୍ଧୁ ଅଛନ୍ତି କି ନାହିଁ ପ୍ରଶ୍ନରେ ମୋଦି ଉତ୍ତର ଦେଇଥିଲେ ଯେ, ‘ହଁ ଅନେକ ବନ୍ଧୁ ଅଛନ୍ତି । ସେଥିମଧ୍ୟରେ ସେ କଂଗ୍ରେସର ବରିଷ୍ଠ ନେତା ଗୁଲାମ ନବୀ ଆଜାଦଙ୍କ ନାମ ଉଲ୍ଲେଖ କରିଥିଲେ । ମୋଦି ଆହୁରି ମଧ୍ୟ କହିଛନ୍ତି, ‘ଗୁଲାମ ନବୀ ଆଜାଦ ଏବଂ ମୁଁ ଭଲ ବନ୍ଧୁ। ଆମେ ବର୍ଷକୁ ଥରେ କିମ୍ବା ଦୁଇଥର ଏକାଠି ମଧ୍ୟାହ୍ନ ଭୋଜନ କରିଥାଉ’।