ମୁମ୍ବାଇ: କୁସ୍ତିଯୋଦ୍ଧା ଗୀତା ଫୋଗଟ ଓ ଜିମ୍ନାଷ୍ଟ ଦୀପା କରମାକର ଭଳି ବହୁ ପ୍ରତିଭାଶାଳୀ ଝିଅ ଆକାଶକୁ ସ୍ପର୍ଶ କଲା ଭଳି ନିଜ ଦୃଢ ସଂକଳ୍ପ ଦେଖାଇଛନ୍ତି । ସେହିଭଳି ମହାରାଷ୍ଟ୍ର ଅହମଦନଗରର ଝିଅ ସୋନାଲି ମାଣ୍ଡଲିକ, ଆର୍ଥିକ ସମସ୍ୟା ପରେ ବି ନିଜ ସୁଦୃଢ ଇଚ୍ଛାଶକ୍ତି ବଳରେ ଅଲମ୍ପିକରେ ତ୍ରିରଙ୍ଗା ଉଡାଇବାକୁ କରିଦେଇଛନ୍ତି ଦିନ ରାତି ଏକ ।
ସୋନାଲି ମାଣ୍ଡଲିକ କିଏ ଭାବୁଥିବେ ? ସୋନାଲି ଜଣେ ରେସଲର ବା କୁସ୍ତିଯୋଦ୍ଧା । ମହାରାଷ୍ଟ୍ରର ଅହମଦନଗର ଜିଲ୍ଲାର ନାଗର ତାଲୁକା ସ୍ଥିତ କାପେରୱାଡିରେ ରହୁଥିବା ସୋନାଲୀ ‘ ଖେଲୋ ଇଣ୍ଡିଆ’ ପ୍ରତିଯୋଗିତାରେ ଜିତିଛନ୍ତି ସ୍ବର୍ଣ୍ଣ ପଦକ । ଯଦିଓ ତାଙ୍କ ଘର ଟିଣରେ ତିଆରି , ହେଲେ ଏହା ଭିତରେ ରହିଥିବା ଆଲମାରୀ ପୁରସ୍କାରରେ ଭର୍ତ୍ତି । ବ୍ୟକ୍ତିଗତ ଜୀବନରେ ଗରିବୀକୁ ମାତ ଦେବା ସହ ଅନ୍ତରାଷ୍ଟ୍ରୀୟ ଖେଳରେ ସେ ଦେଶକୁ କରିବାକୁ ଚାହାନ୍ତି ଗୌରବନ୍ବିତ ।
କୋରୋନା ମହାମାରୀ, ଲକଡାଉନ କାରଣରୁ ସୋନାଲୀଙ୍କ ଅଭ୍ୟାସରେ ବାଧା ସୃଷ୍ଟି ହୋଇଛି । ହେଲେ ପ୍ରତିକୂଳ ପରିସ୍ଥିତି ସାମ୍ନାରେ ମୁଣ୍ଡ ନ ନୁଆଇଁ ସେ ସଂଘର୍ଷ ଜାରି କରିବାକୁ କରିଛନ୍ତି ପଣ । ଆଉ ଏହି ସଂଘର୍ଷ ଯାତ୍ରାରେ ଦଙ୍ଗଲ ଚଳଚ୍ଚିତ୍ରର ଆମିର ଖାନଙ୍କ ଭଳି ସୋନାଲି ମଧ୍ୟ ପାଉଛନ୍ତି ନିଜ ପିତାଙ୍କ ଭରପୁର ସମର୍ଥନ । ଆମୀରଙ୍କ ପରି ସୋନାଲିଙ୍କ ପିତା ନିଜ କ୍ଷେତରେ କୁସ୍ତିର ଆଖଡା କରିଲେ । ଆଉ ଏଠାରେ ସୋନାଲି ନିଜର ଅଭ୍ୟାସ ଜାରି ରଖିଲେ ।