ଲକ୍ଷ୍ନୌ: ହାଥରସ୍ ମାମଲାରେ 4 ଅଭିଯୁକ୍ତଙ୍କ ସୁପ୍ରିମକୋର୍ଟ ଓକିଲ ଏପି ସିଂ ଏବଂ କ୍ଷେତ୍ରିୟ ମହାସଭାର ସଦସ୍ୟ ମନଭେନ୍ଦ୍ର ସିଂ ଶନିବାର ସେମାନଙ୍କ ପରିବାର ସଦସ୍ୟଙ୍କୁ ଭେଟିଛନ୍ତି । ଘଟଣା ସହ ଜଡିତ ବିବରଣୀ ଏବଂ ପ୍ରମାଣ ସଂଗ୍ରହ କରିବାକୁ ସେଠାରେ ଏପିସିଂ ପହଞ୍ଚିଛନ୍ତି ।
ଅଭିଯୁକ୍ତଙ୍କ ପରିବାରକୁ ଭେଟିଲେ ଓକିଲ ଏପି ସିଂ
ସେ କହିଛନ୍ତି ଯେ ସେ ବିନା ଅର୍ଥରେ ଏହି ମାମଲା ଲଢିବେନି । ଏହି ମାମଲାରେ କ୍ଷେତ୍ରିୟ ମହାସଭା ଦେୟ ପ୍ରଦାନ କରିବେ। ସେ ଆହୁରି ମଧ୍ୟ ଦାବି କରିଛନ୍ତି ଯେ ହାଥରସ୍ ମାମଲାରେ ଏସସି ବା ଏସଟି ଅଧିନିୟମର ଅପବ୍ୟବହାର କରାଯାଇଛି ଏବଂ ରାଜନେତାମାନେ ଏହି ମାମଲାକୁ ରାଜନୀତିକରଣ କରିବାକୁ ଚେଷ୍ଟା କରୁଛନ୍ତି କିନ୍ତୁ ଏହାକୁ ଅପରାଧ ଭାବରେ ଦେଖାଯିବା ଉଚିତ ଏବଂ ଏହାର ଯଥାର୍ଥ ଅନୁସନ୍ଧାନ କରାଯିବା ଉଚିତ।