ପୃଥକ ପୃଥକ ସ୍ଥାନରେ ସଡକ ଦୁର୍ଘଟଣା, 7 ମୃତ

ରାଜସ୍ଥାନ ଓ କର୍ଣ୍ଣାଟକରେ ସଡକ ଦୁର୍ଘଟଣା ଘଟି 7 ଜଣଙ୍କର ମୃତ୍ୟୁ ଘଟିଛି।

ନୂଆଦିଲ୍ଲୀ: ରାଜସ୍ଥାନର ସିକର ଜିଲ୍ଲାର ଜାତୀୟ ରାଜପଥ 58ରେ ଦୁଇ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଏହି ଦୁର୍ଘଟଣାରେ ଦୁଇ ଟ୍ରକରେ ଥିବା 4 ଜଣଙ୍କର ମୃତ୍ୟୁ ହୋଇଛି। ସେହଫତେପୁର ସଦର ପୋଲିସ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଛି । ସେହିପରି କର୍ଣ୍ଣାଟକରେ ଏକ ମାଲବୁହା ଅଟୋକୁ ଏକ ଅଜଣା ଗାଡି ଧକ୍କା ଦେବା ଫଳରେ 3 ଜଣଙ୍କର ମୃତ୍ୟୁ ଘଟିଛି । ଏହି ଦୁର୍ଘଟଣା ହନୁମାନ ତାଲୁକ ଜିଲ୍ଲାର ମିନାକେରା କ୍ରସ ନିକଟରେ ଘଟିଛି।

ସୂଚନା ଅନୁସାରେ, ରାଜସ୍ଥାନର ସିକର ଜିଲ୍ଲାର ଖୋଣି ଓ କାରଙ୍ଗା ଗ୍ରାମର ମଧ୍ୟବର୍ତ୍ତୀ ଅଞ୍ଚଳରେ ଏହି ଦୁର୍ଘଟଣା ଘଟିଛି । କୁହୁଡି ଯୋଗୁଁ ଉଭୟ ପାର୍ଶ୍ବରୁ ଆସୁଥିବା ଟ୍ରକ ମୁହାଁମୁହିଁ ଧକ୍କା ହୋଇଥିବା ପୋଲିସ ସୂଚନା ଦେଇଛି । ସେହିପରି କର୍ଣ୍ଣାଟକରେ ଏକ ପିଆଜ ବୋଝେଇ ଅଟୋକୁ ଏକ ଅଜଣା ଗାଡି ଧକ୍କା ଦେବା ଫଳରେ ଏହି ଦୁର୍ଘଟଣା ଘଟିଛି।