ନୂଆଦିଲ୍ଲୀ: ସଚିନ ତେନ୍ଦୁଲକରଙ୍କୁ ଚିଠି ଲେଖିଲେ ଆମ ଆଦମି ପାର୍ଟିର ବିଧାୟିକା ପ୍ରିତି ଶର୍ମା ମେନନ । ଚିଠିରେ କୃଷକମାନଙ୍କୁ ସମର୍ଥନ କରିବା ପାଇଁ ନିବେଦନ କରାଯାଇଥିବା ଜଣାପଡିଛି । ଆପର ଜାତୀୟ କାର୍ଯ୍ୟକାରିଣୀ ସଦସ୍ୟ ତଥା ଦଳର ମୁମ୍ବାଇ ପ୍ରଭାରୀ ଦାୟିତ୍ବରେ ଥିବା ପ୍ରୀତି ଶର୍ମା ମେନନ ଏହି ଚିଠି ଲେଖିଥିବା ଜଣା ପଡିଛି ।
ଗତକାଲି ଜଣେ କୃଷକଙ୍କ ପୁଅ ରଞ୍ଜିତ ବଗାଲ କୃଷକଙ୍କୁ ସମର୍ଥନ କରିବା ନିବେଦନରେ ସଚିନଙ୍କ ଘର ଆଗରେ ଧାରଣା ଦେଇଥିଲେ । ସେ ହାତରେ ପ୍ଲାକକାର୍ଡ ଧରି କୃଷକଙ୍କୁ ସାହାଯ୍ୟ କରିବା ପାଇଁ ସେ ନିବେଦନ କରୁଥିବା ଦେଖିବାକୁ ମିଳିଥିଲା । ବେଶ କିଛି ସମୟ ସେ ସଚିନଙ୍କ ବାସଭବନ ଆଗରେ ଧାରଣାରେ ବସିଥିବା ଦେଖିବାକୁ ମିଳିଥିଲା । ଦେଶର କୃଷକ ଆନ୍ଦୋଳନ ବାବଦରେ କେନ୍ଦ୍ର ସରକାରଙ୍କୁ ସମର୍ଥନ ନକରି ଥରେ କୃଷକଙ୍କ ପାଇଁ ଟ୍ବିଟ କରିବାକୁ ସେ ନିବେଦନ କରିଥିବା ଦେଖିବାକୁ ମିଳିଥିଲା ।
ସଚିନଙ୍କୁ ଆପ ବିଧାୟିକାଙ୍କ ଚିଠି , କୃଷକଙ୍କୁ ସମର୍ଥନ କରିବାରକୁ ନିବେଦନ