ହାଇଦ୍ରାବାଦ: ଦେଶବ୍ୟାପୀ ଲକଡାଉନ୍ ସମୟରେ ବୃଦ୍ଧି ପାଉଛି ଚାଇଲ୍ଡ ପର୍ଣ୍ଣ । ପ୍ରାୟ 95 ପ୍ରତିଶତ ଚାଇଲ୍ଡ ପର୍ଣ୍ଣ ବୃଦ୍ଧି ପାଇଥିବା ସୂଚନା ଦେଇଛି ନ୍ୟାସନାଲ କମିଶନ ଫର ପ୍ରୋଟେକସନ ଅଫ୍ ଚାଇଲ୍ଡ ରାଇଟ୍ସ (ଏନସିପିସିଆର) । ଏହାକୁ ନେଇ ଶିଶୁ ଅସୁରକ୍ଷିତ ଥିବା ହ୍ବାଟ୍ସଆପ୍ ଓ ଗୁଗୁଲକୁ ନୋଟିସ ଜାରି କରିଛି ଏନସିପିସିଆର ।
ଏନସିପିସିଆର ଏକ ବିବୃତ୍ତିରେ କୁହାଯାଇଛି ଯେ, ଅନଲାଇନ୍ ଶିଶୁ ଯୌନ ଶୋଷଣ ସାମଗ୍ରୀ (CSAM)ର ଉପଲବ୍ଧତା ଉପରେ ଏକ ନିରପେକ୍ଷ ତଦନ୍ତ କରିବାବେଳେ ଗୁଗୁଲ୍ ପ୍ଲେ ଷ୍ଟୋରରୁ ପର୍ଣ୍ଣୋଗ୍ରାଫିକ୍ ମାଟେରିଆଲ୍ ସର୍ଚ୍ଚ କରାଯାଇଥିବା ଦେଖିବାକୁ ମିଳିଥିଲା । NCPCR ଭାରତରେ CSAM ଉପରେ ICPF ର ଗବେଷଣା ଅଧ୍ୟୟନକୁ ଗ୍ରହଣ କରିଥିଲା । ଯେଉଁଥିରେ ଏହା ଦର୍ଶାଯାଇଥିଲା ଯେ, ମାର୍ଚ୍ଚ 24 ରୁ ମାର୍ଚ୍ଚ 26 ମଧ୍ୟରେ ଭାରତରୁ ଅନଲାଇନ୍ ଚାଇଲ୍ଡ ପର୍ଣ୍ଣୋଗ୍ରାଫି 95% ବୃଦ୍ଧି ପାଇଛି ।