ମୁମ୍ବାଇ: ଦେଶରେ କାୟା ମେଲାଉଛି କୋରୋନା । ମୁମ୍ବାଇରେ ଆକ୍ରାନ୍ତଙ୍କ ସଂଖ୍ୟା ସବୁଠାରୁ ଅଧିକ ରହିଥିବା ବେଳେ ଲୋକେ କିନ୍ତୁ ଏବେ ଯାଏଁ ସଚେତନ ହୋଇନାହାନ୍ତି । ବାରମ୍ବାର ସରକାରଙ୍କ ତରଫରୁ ନିବେଦନ କରାଯିବା ସତ୍ତ୍ବେ ବି ବିନା ମାସ୍କରେ ଲୋକେ ଘରୁ ବାହାରୁଛନ୍ତି । ଏନେଇ ଗୁରୁବାର ବିନା ମାସ୍କରେ ବୁଲୁଥିବା ବେଳେ 7 ଜଣଙ୍କୁ ପୋଲିସ ଗିରଫ କରିଥିବା ଜଣାପଡିଛି ।
ପୋଲିସର ପିମ୍ପିରି- ଚିନ୍ଚୱାଡା ପୋଲିସର ସୂଚନାନୁଯାୟୀ, କଡଲେୱାଡି ଅଞ୍ଚଳରେ କିଛି ଲୋକ ବିନା ମାସ୍କରେ ବାହାରେ ବୁଲୁଥିଲେ । ଫଳରେ ସେମାନଙ୍କୁ ପୋଲିସ ଆଇପିସି ଧାରା 188 ରେ 7 ଜଣଙ୍କୁ ଗିରଫ କରିଛି । ଘରୁ ବାହାରିଲେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଥିବା ସତ୍ତ୍ବେ ବି ମାନୁ ନାହାନ୍ତି ଅମାନିଆ ।