ଅହମ୍ମଦାବାଦରେ ମର୍ମନ୍ତୁଦ ସଡକ ଦୁର୍ଘଟଣା, ଗୋଟିଏ ପରିବାରର 5 ମୃତ

ଗୁଜୁରାଟର ଲାମ୍ବ ହାଇୱେରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ ଗୋଟିଏ ପରିବାରର 5ଜଣ ମୃତ୍ୟୁବରଣ କରିଛନ୍ତି । ଅଧିକ ପଢନ୍ତୁ...

ଅହମ୍ମଦାବାଦ: ଗୁଜୁରାଟର ଲାମ୍ବ ହାଇୱେରେ ମର୍ମନ୍ତୁଦ ସଡକ ଦୁର୍ଘଟଣା । ଏକ ଯାତ୍ରୀବାହୀ କାରକୁ ସାମ୍ନାପଟୁ ଆସୁଥିବା ଟ୍ରକ ଧକ୍କା ଦେଇଥିବା ଜଣାପଡିଛି । ଦୁର୍ଘଟଣାଟି ସୁରେନ୍ଦରନଗର ଜିଲ୍ଲାର ଦେବପରା ଗ୍ରାମ ନିକଟ କିଛି ଦୂରରେ ଘଟିଛି ।

ଦୁର୍ଘଟଣାରେ ଗୋଟିଏ ପରିବାରର 5ଜଣଙ୍କର ମୃତ୍ୟୁ ଘଟିଛି । ସେଥିମଧ୍ୟରେ 2 ଜଣ ମହିଳା ଓ 3ଜଣ ପୁରୁଷ ରହିଛନ୍ତି । ଗାଡିରେ ଥିବା ଅନ୍ୟ 5ଜଣ ମଧ୍ୟ ଗୁରୁତର ଆହତ ହୋଇଛନ୍ତି । ଏହି 5 ଜଣଙ୍କ ମଧ୍ୟରେ 2ଜଣ ଶିଶୁ ରହିଛନ୍ତି । ଗୁରୁତମାନଙ୍କୁ ପ୍ରଥମେ 108 ଲିମ୍ବି ହସ୍ପିଟାଲ ଓ ପରେ ଅହମ୍ମଦାବାଦ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ରାସ୍ତା ଅବରୋଧକୁ ହଟାଇବାରେ ଲାଗିଛି ।