ଭୋପାଳ: ଅଗର ମାଲୱା କାନଡ ଥାନା ଅନ୍ତର୍ଗତ ଲାଖା ଖେଡି ସ୍ଥିତ ଟିଲ୍ଲର ଡ୍ୟାମରେ ବଡ ଦୁର୍ଘଟଣା । ଡ୍ୟାମରେ ଡଙ୍ଗା ବୁଡି ଗୋଟିଏ ପରିବାରର 5 ସଦସ୍ୟଙ୍କ ଜୀବନ ଚାଲିଯାଇଛି । ଗ୍ରାମବାସୀ ଖବର ପାଇଁ ଘଟଣାସ୍ଥଳରେ ପହଞ୍ଚିବା ପରେ ବହୁ କଷ୍ଟରେ ମୃତଦେହ ଉଦ୍ଧାର କରିଛନ୍ତି । ଅନ୍ୟପକ୍ଷେ 3 ଜଣ ଏବେ ବି ନିଖୋଜ ରହିଛନ୍ତି ।
ସୂଚନା ଅନୁଯାୟୀ ଫତେପୁର ଗ୍ରାମ ପଞ୍ଚାୟତର ଲାଖା ଖେଡିରେ ଗୋଟିଏ ପରିବାରର ମହିଳାଙ୍କ ସମେତ କିଛି ମହିଳା ଓ ଛୋଟ ପିଲା ପାଖ ଗାଁ ପଚେଟୀରେ ଆୟୋଜିତ ଗୋଟିଏ ମାଙ୍ଗଳିକ କାର୍ଯ୍ୟରେ ଯୋଗଦେବାକୁ ଯାଇଥିଲେ । ତେବେ ସେଠାରୁ ଫେରିବା ସମୟରେ ନଦୀରେ ଡଙ୍ଗା ଓଲଟି ପଡିଥିଲା ।