ରାଞ୍ଚି: ଝାଡଖଣ୍ଡର ଗିରିଡିହରେ ସିଆରପିଏଫ ଯବାନ ଏବଂ ନକ୍ସଲ ମୁହାଁମୁହିଁ ହୋଇଛନ୍ତି । ସୋମବାର ଏହି ଏନକାଉଣ୍ଟରରେ 3ଜଣ ନକ୍ସଲ ନିହତ ହୋଇଛନ୍ତି । ତେବେ ଏହି ଏନକାଉଣ୍ଟରରେ ସିଆରପିଏଫର ଜଣେ ଯବାନ ସହିଦ ହୋଇଥିବା ସୂଚନା ମିଳିଛି । ସେପଟେ ଏନକାଉଣ୍ଟର ସ୍ଥାନରୁ ବିପୁଳ ମାତ୍ରାରେ ବିସ୍ଫୋରକ, ଏକ ଏକେ 47 ରାଇଫଲ, ୩ଟି ମାଗାଜିନ୍ ଏବଂ ୪ଟି ପାଇପ୍ ବୋମା ଜବତ ହୋଇଛି ।
ଝାଡଖଣ୍ଡରେ ସୁରକ୍ଷାକର୍ମୀ-ନକ୍ସଲ ମୁହାଁମୁହିଁ, 3 ନକ୍ସଲ ନିହତ
ଝାଡଖଣ୍ଡର ଗିରିଡିହରେ ସୁରକ୍ଷାକର୍ମୀ ଏବଂ ନକ୍ସଲଙ୍କ ମଧ୍ୟରେ ସଂଘର୍ଷ । ଏହି ଏନକାଉଣ୍ଟରରେ 3 ନକ୍ସଲ ନିହତ ହୋଇଥିବା ବେଳେ ଜଣେ ସିଆରପିଏଫ ଜଣେ ଯବାନ ଶହୀଦ ହୋଇଛନ୍ତି ।
ଫଟୋ ସୌଜନ୍ୟ: ସୋସିଆଲ ମିଡିଆ/ଟ୍ବିଟର@ANI
ସୂଚନା ମୁତାବକ, ଗିରିଡିହର ବେଲଭା ଘାଟ ଅଞ୍ଚଳରେ କିଛି ନକ୍ସଲ ଲୁଚି ରହିଥିବା ସୋମବାର ସକାଳୁ ସୂଚନା ମିଳିଥିଲା । ସୂଚନା ଆଧାରରେ ସିଆରପିଏଫର 7ମ ବାଟାଲିୟନ ଯବାନ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହି ଅପରେସନରେ ଉଭୟ ପକ୍ଷରୁ ଗୁଳିବିନିମୟ ହୋଇଥିଲା । ତେବେ ସିଆରପିଏଫଙ୍କ ଗୁଳିରେ 3 ନକ୍ସଲ ଟଳି ପଡିଥିଲେ । ସେପଟେ ଅପରେସନରେ ଜଣେ ଯବାନ ମଧ୍ୟ ସହିଦ ହୋଇଥିଲେ ।
Last Updated : Apr 15, 2019, 8:56 PM IST