ଯୋଧପୁରରେ ଭୁଷୁଡିଲା ନିର୍ମାଣଧୀନ କୋଠା, 3 ମୃତ

ନିର୍ମାଣଧୀନ କୋଠା ଭୁଷୁଡି 3 ମୃତ । ଏଭଳି ଅଭାବନୀୟ ଘଟଣା ରାଜସ୍ଥାନର ଯୋଧପୁରରେ ଘଟିଛି । ତେବେ କେଉଁ କାରଣରୁ କୋଠା ଭୁଷୁଡିଲା, ସେ ନେଇ ଅଧିକ ତଦନ୍ତ ଜାରି ରହିଛି ।

ଯୋଧପୁର: ନିର୍ମାଣଧୀନ କୋଠା ଭୁଷୁଡି 3 ମୃତ ଓ ଜଣେ ଆହତ । ଏଭଳି ଅଭାବନୀୟ ଘଟଣା ସୋମବାର ରାତିରେ ରାଜସ୍ଥାନର ଯୋଧପୁରରେ ଘଟିଛି । ତେବେ ପୃଥିବୀପୁର ଅଞ୍ଚଳରେ ନିର୍ମାଣ ହେଉଥିବା କୋଠାର ଛାତ ଭୁଷୁଡି ପଡିବାରୁ ଏଭଳି ଅଘଟଣ ଘଟିଛି ।

ଘଟଣା ପରେ ଯୋଧପୁର ଜିଲ୍ଲାପାଳ ପ୍ରକାଶ ରାଜପୁତ ଘଟଣାସ୍ଥଳରେ ପହଞ୍ଚିଛନ୍ତି । ଏହାସହ ଗଣମାଧ୍ୟମକୁ ଉତ୍ତର ରଖି କହିଛନ୍ତି କି ରାତି ପ୍ରାୟ 11ଟାରେ ଛାତ ଭୁଷିଡିବା ସହ ଘର ମଧ୍ୟରେ 4 ଶ୍ରମିକ କାର୍ଯ୍ୟରତ ଥିଲେ । ଗୁରୁତରଙ୍କୁ ସଙ୍ଗେ ସଙ୍ଗେ ନିକଟସ୍ଥ ଚିକିତ୍ସାଳୟକୁ ନିଆଯାଇଥିଲା । ଚିକିତ୍ସିତ ଅବସ୍ଥାରେ ଡାକ୍ତର 3 ଜଣଙ୍କ ମୃତ୍ୟୁ ଘୋଷଣା କରିଛନ୍ତି । ତେବେ କେଉଁ କାରଣରୁ କୋଠା ଭୁଷୁଡିଲା, ସେ ନେଇ ଅଧିକ ତଦନ୍ତ ଜାରି ରହିଛି ।