ଅଟୋକୁ ଧକ୍କା ଦେଲା ଟ୍ରକ, 12 ମୃତ

ତେଲେଙ୍ଗାନାର ମେହବୁବନଗର ଜିଲ୍ଲା କୋଠାପଲ୍ଲୀ ନିକଟରେ ଅଟୋକୁ ଟ୍ରକ ଧକ୍କା ହେବା ଫଳରେ 12 ଜଣଙ୍କର ମୃତ୍ୟୁ ଘଟିଛି ।

ହାଇଦ୍ରାବାଦ: ତେଲେଙ୍ଗାନାର ମେହବୁବନଗର ଜିଲ୍ଲା କୋଠାପଲ୍ଲୀ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଅଟୋକୁ ଟ୍ରକ ଧକ୍କା ହେବା ଫଳରେ 12 ଜଣଙ୍କର ମୃତ୍ୟୁ ଘଟିଛି ।

ଶନିବାର ସନ୍ଧ୍ୟାରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ପରେ 12 ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା । ଅନ୍ୟ 6 ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।