କାନପୁର: ନିଜ ବାପାଙ୍କୁ ନ୍ୟାୟ ଦେବା ପାଇଁ 13 ବର୍ଷୀୟ ବାଳକର ସଂଘର୍ଷ । କାନପୁରସ୍ଥିତ ସାର୍ଥକ ତ୍ରିପାଠୀ(13) ନିଜ ବାପାଙ୍କ ଚାକିରି ଫେରାଇବା ସହ ତାଙ୍କୁ ନ୍ୟାୟ ଦେବାକୁ ପ୍ରଧାନମନ୍ତ୍ରୀ ମୋଦିଙ୍କ ପାଖକୁ 37ଟି ଚିଠି ଲେଖି ନିବେଦନ କରିଛନ୍ତି ।
ବାପାଙ୍କୁ ନ୍ୟାୟ ଦେବାକୁ ମୋଦିଙ୍କୁ ଚିଠି ଲେଖିଲେ 13 ବର୍ଷୀୟ ବାଳକ - father
ସାର୍ଥକ ତ୍ରିପାଠୀ ନାମକ ଏହି 13 ବର୍ଷୀୟ ବାଳକ ନିଜ ବାପାଙ୍କ ଚାକିରି ଫେରାଇବା ସହ ତାଙ୍କୁ ନ୍ୟାୟ ଦେବାକୁ ପ୍ରଧାନମନ୍ତ୍ରୀ ମୋଦିଙ୍କ ପାଖକୁ 37ଟି ଚିଠି ଲେଖି ନିବେଦନ କରିଛନ୍ତି ।
ଫାଇଲ ଫଟୋ
ସୂଚନା ଅନୁଯାୟୀ, ସାର୍ଥକଙ୍କ ପିତା ସତ୍ୟଜିତ ବିଜୟ ତ୍ରିପାଠୀ ଉତ୍ତରପ୍ରଦେଶରେ ଷ୍ଟକ ଏକ୍ସଚେଞ୍ଜରେ କର୍ମଚାରୀ ଥିଲେ । ଯାହାଙ୍କୁ 2016ରେ ଚାକିରିରୁ ବାହାର କରି ଦିଆଯାଇଥିଲା । ତେଣୁ ନିଜ ବାପାଙ୍କୁ ନ୍ୟାୟ ଦେବା ପାଇଁ ସାର୍ଥକ ଆଜି ପର୍ଯ୍ୟନ୍ତ 37ଟି ଚିଠି ମୋଦିଙ୍କ ପାଖକୁ ଲେଖିସାରିଲେଣି । କିନ୍ତୁ ଏପର୍ଯ୍ୟନ୍ତ ଚିଠିର କୌଣସି ଉତ୍ତର ମିଳିନାହିଁ ।
ତେବେ ଏନେଇ ସାର୍ଥକ କହିଛନ୍ତି,‘ମୁଁ ମୋଦିଜୀଙ୍କୁ ମୋ ବାପାଙ୍କୁ ସହଯୋଗ କରିବା ସହ ତାଙ୍କ ସହ ଯେଉଁମାନେ ଅନ୍ୟାୟ କରିଛନ୍ତି ସେମାନଙ୍କୁ ଦଣ୍ଡ ଦିଆଯାଉ ବୋଲି ନିବେଦନ କରିଛି । ଏଥିସହ ସେ କହିଛନ୍ତି ମୋ ବାପା ଏବଂ ପରିବାରକୁ ହତ୍ୟା ଧମକ ମଧ୍ୟ ଦିଆଯାଉଛି । ତେଣୁ ଏନେଇ କିଛି ପଦକ୍ଷେପ ନିଅନ୍ତୁ । ଏଥିସହ ସେ କହିଛନ୍ତି ମୁଁ ପ୍ରଧାନମନ୍ତ୍ରୀଙ୍କ ବିଷୟରେ ବହୁତ ଶୁଣିଛି । ଏବେ ଏତିକି ନିବେଦନ ଯେ ସେ ମୋ ଗୁହାରୀ ଶୁଣନ୍ତୁ ।