ନୂଆଦିଲ୍ଲୀ: ଦିଲ୍ଲୀର ଜାମା ମସଜିଦ୍ ଅଞ୍ଚଳରେ ସମାନ ପରିବାରର 11 ଜଣ ବ୍ୟକ୍ତି କୋରୋନା ପଜିଟିଭ୍ ଥିବା ଜଣାପଡିଛି। ପରିବାରର ଜଣେ ସଦସ୍ୟ ବିଦେଶରୁ ଫେରି ଆସିଥିଲେ। ଏହା ପରେ ସଂକ୍ରମଣ ପରିବାର ସଦସ୍ୟଙ୍କ ମଧ୍ୟରେ ବ୍ୟାପିଗଲା । ପରୀକ୍ଷା ପରେ ପରିବାରର 18 ଜଣଙ୍କ ମଧ୍ୟରୁ 11 ଜଣ ପଜିଟିଭ୍ ଥିବା ଜଣାପଡିଛି।
ଦିଲ୍ଲୀରେ ଗୋଟିଏ ପରିବାରର 11 ସଦସ୍ୟ କୋରୋନା ଚିିହ୍ନଟ
ଦିଲ୍ଲୀର ଜାମା ମସଜିଦ୍ ଅଞ୍ଚଳରେ ସମାନ ପରିବାରର 11 ଜଣ ବ୍ୟକ୍ତି କୋରୋନା ପଜିଟିଭ୍ ଥିବା ଜଣାପଡିଛି। ପରିବାରର ଜଣେ ସଦସ୍ୟ ବିଦେଶରୁ ଫେରି ଆସିଥିଲେ।
11 ସଦସ୍ୟ କୋରୋନା ଚିିହ୍ନଟ
ପ୍ରକାଶଥାଉକି, ଗଲି ଚୁଡି ୱାଲାନରେ ତିନି ଭାଇଙ୍କ ମିଳିତ ପରିବାର ରହିଛି, ଏହି ପରିବାରରେ 18 ଜଣ ସଦସ୍ୟ ଅଛନ୍ତି । ପରିବାରର ଜଣେ ସଦସ୍ୟ ବିଦେଶରୁ ଫେରି ଆସିଥିଲେ। ସେ କୋରୋନା ପଜିଟିଭ୍ ଥିବା ଜଣାପଡିଥିଲା ଏବଂ ସେ ମ୍ୟାକ୍ସ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏହା ପରେ ସମସ୍ତେ ବ୍ୟକ୍ତିଗତ ଲ୍ୟାବରେ ନିଜର କୋରୋନା ପରୀକ୍ଷା କରିଥିଲେ, ଏହା ପରେ 11 ଜଣଙ୍କୁ କୋରୋନା ସଂକ୍ରମିତ ହୋଇଥିବା ଜଣାପଡିଛି।
ସଂକ୍ରମିତ ହୋଇଥିବା 11 ଜଣଙ୍କ ମଧ୍ୟରେ ଦେଢ ମାସର ଏବଂ 12 ବର୍ଷର ଶିଶୁ ଅନ୍ତର୍ଭୁକ୍ତ । ତିନିଜଣଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଦିଲ୍ଲୀର ଏଲଏନଜେପି ହସ୍ପିଟାଲରେ ଭର୍ତ୍ତି କରାଯାଇଛି। ପରିବାର ଅଭିଯୋଗ କରିଛନ୍ତି ଯେ, ଏହି ଅଞ୍ଚଳର SHO କୁ ସୂଚନା ଦେବା ସତ୍ତ୍ବେ ସେମାନଙ୍କୁ କେହି ସାହାଯ୍ୟ କରିନଥିଲେ।