ବେଙ୍ଗାଲୁରୁ: କଂଗ୍ରେସ ନେତା ସମ୍ପଥ ରାଜ ଗିରଫ । ଡିଜେ ହାଲି ଓ କେଜି ହାଲି ହିଂସା ମାମଲାରେ ସୋମବାର କଂଗ୍ରେସ ନେତା ତଥା ବେଙ୍ଗାଲୁରୁର ପୂର୍ବତନ ମେୟର ସମ୍ପଥ ରାଜଙ୍କୁ ଗିରଫ କରାଯାଇଛି ବୋଲି କହିଛନ୍ତି କେନ୍ଦ୍ରୀୟ କ୍ରାଇମ ବ୍ରାଞ୍ଚର ଯୁଗ୍ମ କମିଶନର ସନ୍ଦୀପ ପାଟିଲ ।
ସୂଚନାଅନୁସାରେ,ବେଙ୍ଗାଲୁରୁ ସହରରେ ହୋଇଥିବା ହିଂସାରେ ସମ୍ପଥ ରାଜ ଜଣେ ଅଭିଯୁକ୍ତ ବୋଲି ଜଣାପଡିଛି । ସେ କୋରୋନାରେ ଆକ୍ରାନ୍ତ ହୋଇ ଡାକ୍ତରଖାନାରେ ଚିକିତ୍ସା ହେଉଥିଲେ । ଗତ ଅକ୍ଟୋବରର 31ରେ ପୋଲିସକୁ ନ ଜଣାଇ ହସ୍ପିଟାଲ କର୍ତ୍ତୃପକ୍ଷ ତାଙ୍କୁ ଡିସଚାର୍ଜ କରିଥିଲେ । ଅଗଷ୍ଟ 11ରେ ବେଙ୍ଗାଲୁରୁରେ ଘଟିଥିବା ହିଂସାକାଣ୍ଡରେ ସିସିବି ପ୍ରାଥମିକ ତଦନ୍ତ କରି କଂଗ୍ରେସ କର୍ପୋରେଟର ଆର ଆର ଜାକିର ଏବଂ ସମ୍ପଥ ରାଜଙ୍କୁ ଅଭିଯୁକ୍ତ ବୋଲି କହିଥିଲା ।