ସନ୍ଦେହୀ ସ୍ବାମୀର ଜଘନ୍ୟ କାଣ୍ଡ: ସ୍ତ୍ରୀ ଅଶ୍ଲୀଳ ସିନେମାରେ ଅଭିନୟ କରିଥିବା ସନ୍ଦେହରେ କଲା ନିର୍ମମ ହତ୍ୟା

କର୍ଣ୍ଣାଟକ ରାମନଗରରେ ଜଣେ ଅଟୋ ଡ୍ରାଇଭର ଜଘନ୍ୟକାଣ୍ଡ । ଅଶ୍ଳୀଳ ସିନେମାରେ ଅଭିନୟ କରିଥିବା ସନ୍ଦେହରେ ପିଲାଙ୍କ ଆଗରେ ସ୍ତ୍ରୀ କଲା ହତ୍ୟା । ଅଧିକ ପଢନ୍ତୁ

ବେଙ୍ଗାଲୁରୁ:କର୍ଣ୍ଣାଟକ ରାମନଗରରେ ଜଣେ ଅଟୋ ଡ୍ରାଇଭର ଜଘନ୍ୟକାଣ୍ଡ ଘଟାଇଛି । ସେ ନିଜେ ଦେଖୁଥିବା ଅଶ୍ଳୀଳ ଚଳଚ୍ଚିତ୍ରରେ ପତ୍ନୀ ଅଭିନୟ କରିଥିବା ସନ୍ଦେହ କରି ନିଜ ପିଲାଙ୍କ ସାମ୍ନାରେ ସ୍ତ୍ରୀକୁ ହତ୍ୟା କରିଛି । ହତ୍ୟାକାରୀ ଅଟୋ ଡ୍ରାଇଭରଜଣଙ୍କ 40 ବର୍ଷୀୟ ଅଟୋ ଡ୍ରାଇଭର ଜାହିର ପାଶା ଓ ସେ ନିୟମିତ ଅଶ୍ଳୀଳ ଚଳଚିତ୍ର ଦେଖିବା ଅଭ୍ୟାସଗ୍ରସ୍ତ ଥିବା ଘଟଣା ପରେ ଜଣାପଡିଛି ।

ଅଟୋ ଡ୍ରାଇଭର ସ୍ବାମୀର ଜଘନ୍ୟ କାଣ୍ଡ, ଅଶ୍ଳୀଳ ସିନେମାରେ ଅଭିନୟ କରିଥିବା ସନ୍ଦେହରେ ପିଲାଙ୍କ ଆଗରେ ସ୍ତ୍ରୀ କଲା ହତ୍ୟା

ନିୟମିତ ଅଶ୍ଳୀଳ ଚଳଚିତ୍ର ଦେଖୁଥିବା ପାସା ନିଜେ ଦେଖିଥିବା ଏକ ଚଳଚିତ୍ରରେ ତାର ସ୍ତ୍ରୀ ଅଭିନୟ କରିିଥିବା ସନ୍ଦେହ କରିଥିଲା। ପରେ ସ୍ତ୍ରୀକୁ ନିର୍ଯାତନା ଦେବା ମଧ୍ୟ ଆରମ୍ଭ କରିଥିଲା । ଦୁଇ ମାସ ତଳେ ଏପରି ଘଟଣା ନେଇ ସ୍ତ୍ରୀକୁ ମାଡ ମାରିବା ପରେ ଥାନାରେ ଅଭିଯୋଗ ପହଞ୍ଚିଥିଲା । ପରେ ଘଟଣାର ସମାଧାନ ହେବା ସହ ଦମ୍ପତି ନିଜ 5 ସନ୍ତାନଙ୍କ ସହ ସହରର ଅନ୍ୟତ୍ର ସ୍ଥାନାନ୍ତରିତ ହୋଇଥିଲେ ।

ତେବେ କିଛି ଦିନର ବ୍ୟବଧାନ ପରେ ପାସା ପୁଣି ଥରେ ସମାନ ସନ୍ଦେହ କରି ସ୍ତ୍ରୀକୁ ନିର୍ଯାତନା ଦେଉଥିବା ବେଳେ ମଙ୍ଗଳବାର ପିଲାମାନଙ୍କ ସାମ୍ନାରେ ଧାରୁଆ ଅସ୍ତ୍ରରେ ଆକ୍ରମଣ କରି ହତ୍ୟା କରିଛି । ଖବର ପାଇ ପୋଲିସ ଘଟଣାସ୍ଥଳେ ପହଞ୍ଚି ଅଭିଯୁକ୍ତକୁ ଗିରଫ କରିଛି । ଘଟଣାର ତଦନ୍ତ ଜାରି ରହିଥିବା ସ୍ଥାନୀୟ ରାମାନାଗା ଏସ.ପି ସାନ୍ତୋଶ ବାବୁ ପ୍ରକାଶ କରିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ