ଲକ୍ଷ୍ନୌ/ଡେରାଡୁନ: ଉତ୍ତର ପ୍ରଦେଶ, ଉତ୍ତରାଖଣ୍ଡ ଓ ଗୋଆରେ ଜାରି ରହିଛି ବିଧାନସଭା ନିର୍ବାଚନ ପାଇଁ ମତଦାନ ପ୍ରକ୍ରିୟା । ଦୁଇ ରାଜ୍ୟରେ ଗୋଟିଏ ପର୍ଯ୍ୟାୟରେ ଭୋଟିଂ ଶେଷ ହେବାକୁ ଥିବାବେଳେ ଦ୍ବିତୀୟ ପର୍ଯ୍ୟାୟରେ ୯ ଜିଲ୍ଲାରେ ୫୫ ବିଧାନସଭା ଆସନ ପାଇଁ ଭୋଟ ଦେଉଛନ୍ତି ଉତ୍ତରପ୍ରଦେଶବାସୀ । ତେବେ ରାଜ୍ୟରେ ଅପରାହ୍ନ ୩ଟା ସୁଦ୍ଧା 51.93 ପ୍ରତିଶତ ଭୋଟିଂ ରେକର୍ଡ ହୋଇଥିବା ସୂଚନା ଦେଇଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ । ସଂନ୍ଧ୍ୟା ୬ ଟାରେ ମତଦାନ ଶେଷ ହେବ ।
ସେହିପରି ଉତ୍ତରାଖଣ୍ଡରେ ଆଜି ମାତ୍ର ଗୋଟିଏ ପର୍ଯ୍ୟାୟ ମତଦାନ ସହ ନିର୍ବାଚନ ଶେଷ ହେବାକୁ ଥିବାବେଳେ ଅପରାହ୍ନ ୩ଟା ସୁଦ୍ଧା ୪୯.୨୪ ପ୍ରତିଶତ ଭୋଟିଂ ରେକର୍ଡ କରାଯାଇଛି । ମତଦାନ ହାରରେ ଜିଲ୍ଲାଓ୍ବାରୀ ଦେଖିଲେ ଉତ୍ତରକାଶୀ ମୋଟ ୫୬.୨୩ ପ୍ରତିଶତ ସହ ଆଗରେ ରହିଥିବା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି ।