ନୂଆଦିଲ୍ଲୀ: ହିନ୍ଦୀ ହାର୍ଟ ଲ୍ୟାଣ୍ଡରେ ଗୈରିକ ଦଳକୁ ଐତିହାସିକ ସଫଳତା ! ତିନି ରାଜ୍ୟରେ ପ୍ରଚଣ୍ଡ ବିଜୟ ଅଭିମୁଖେ ଅଗ୍ରସର ହେଉଛି ଭାରତୀୟ ଜନତା ପାର୍ଟି ବିଜେପି । କଂଗ୍ରେସ ହାତରୁ ମରୁଭୂମି ରାଜସ୍ଥାନ ସହ ଆଦିବାସୀ ବହୁଳ ଛତିଶଗଡକୁ ଛଡାଇ ଆଣିବାକୁ ଯାଉଛି । କାମ କରିଛି ମୋଦି ମ୍ୟାଜିକ । ଗେହେଲଟଙ୍କ ଚରିଞ୍ଜୀବି ଯୋଜନା ଦେଇପାରିଲା ନାହିଁ ସଞ୍ଜିବନୀ । କାମ ଦେଲା ନାହିଁ ବାଘେଲଙ୍କ ରଣନୀତି । ହିନ୍ଦୀ ଭାଷାଭାଷି ରାଜସ୍ଥାନ, ମଧ୍ୟ ପ୍ରଦେଶ ଓ ଛତିଶଗଡରେ ଉଡିବାକୁ ଯାଉଛି ଗୈରିକି ବାନା । ତିନି ରାଜ୍ୟରେ ଆସିଛି ମୋଦି ସୁନାମୀ । ଏହି ମହାବିଜୟକୁ ଆହୁରି ସ୍ମରଣୀ କରିବାକୁ ସଂଧ୍ୟାରେ ନୂଆଦିଲ୍ଲୀ ସ୍ଥିତ ବିଜେପି ମୁଖ୍ୟାଳୟରେ ହେବ ଗ୍ରାଣ୍ଡ ସେଲିବ୍ରେସନ । ଯେଉଁଥିରେ ସାମିଲ ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଅଧିକ ପଢନ୍ତୁ- ୪ ରାଜ୍ୟର ବିଧାନସଭା ନିର୍ବାଚନୀ ଫଳାଫଳ ପାଇଁ ଲିଙ୍କ୍ କ୍ଲିକ୍ କରନ୍ତୁ
ରାଜସ୍ଥାନ, ମଧ୍ୟ ପ୍ରଦେଶ ଓ ଛତିଶଗଡରେ ବିଜେପି ପ୍ରଚଣ୍ଡ ବିଜୟ ଅଭିମୁଖେ ଅଗ୍ରସର ହେଉଛି । ତିନି ରାଜ୍ୟ ପରେ ଦଳୀୟ ମୁଖ୍ୟାଳୟରେ ଉତ୍ସବ ମନାଇବ ବିଜେପି । ଉତ୍ସବରେ ସାମିଲ ହେବେ ପ୍ରଧାନମନ୍ତ୍ରୀ ମୋଦି । ଏହାସହ ବିଜେପି ଜାତୀୟ ସଭାପତି ଜେପି ନଡ୍ଡା, ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଜାତୀୟ ମହାମନ୍ତ୍ରୀ ସଂଗଠନ ବିଏଲ ସନ୍ତୋଷଙ୍କ ସମେତ ସମସ୍ତ କେନ୍ଦ୍ରୀୟ ମନ୍ତ୍ରୀ, ସାଂସଦ ଓ ବରିଷ୍ଠ ନେତା ।
ଅଧିକ ପଢନ୍ତୁ- ମୋଦିଜୀ ଏମପି ମନରେ ଆଉ ଏମପି ମୋଦିଜୀଙ୍କ ମନରେ ଅଛି: ଶିବରାଜ ସିଂହ