ହାଇଦ୍ରାବାଦ: LAC ନିକଟବର୍ତ୍ତୀ ଅରୁଣାଚଳ ସୀମାରେ ଚୀନ ଓ ଭାରତୀୟ ସୈନ୍ୟଙ୍କ ମଧ୍ୟରେ ହୋଇଥିବା ସଂଘର୍ଷ ନେଇ ଉତ୍ତର ପୂର୍ବ ରାଜ୍ୟ ଆସମର ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମାଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ବିଶ୍ବଶର୍ମା କହିଛନ୍ତି, ସୀମାରେ ସେନା ପ୍ରତିପକ୍ଷର ଗତିବିଧି ଉପରେ ରଖିଛି (Assam CM Biswa Sarma on india china clash)। ତେବେ ପ୍ରତିରକ୍ଷା ସମ୍ପର୍କିତ କେଉଁ ସୂଚନା, କେତେବେଳେ କାହାକୁ ପ୍ରଦାନ କରାଯିବ ସେନଇ ସେନା ବିଚାର କରେ । ସାମରିକ ଘଟଣାବଳୀର ତଥ୍ୟ ବା ସୂଚନା ପ୍ରଦାନ କରିବା ମଧ୍ୟ ସାମରିକ ରଣନୀତି ଆଧାରରେ ହୋଇଥାଏ । ସାମରିକ ଗୋପନୀୟତା ଦୃଷ୍ଟିକୋଣରୁ ଏହି ସମ୍ପର୍କିତ ତଥ୍ୟ କେବେ ଓ କାହାକୁ ପ୍ରଦାନ କରିବା ଭରସାଯୋଗ୍ୟ ରହିବ ତାହା ସେନା ହଁ ସ୍ଥିର କରେ ।
9 ତାରିଖ ଘଟଣା ନେଇ ପ୍ରତିରକ୍ଷା ମନ୍ତ୍ରୀ ସଂସଦରେ ବିବୃତ୍ତି ରଖିଛନ୍ତି । ଆଗମୀ ସମୟରେ ଯେଉଁ ତଥ୍ୟ ଗୃହରେ ରଖିବାର ଆବଶ୍ୟକତା ରହିଛି ଅନୁଭବ ହେଲେ ସେନା ସହମତିରେ ସରକାର ରଖିପାରନ୍ତି । ଏନେଇ ଗତକାଲି ଗୃହରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ବିବୃତ୍ତି ରଖିଥିଲେ । କିଛି ଚୀନ ସୈନ୍ୟ ଭାରତୀୟ ଅଞ୍ଚଳରେ ଅନୁପ୍ରବଶ ଉଦ୍ୟମ କରିଥିଲେ ଓ ସେମାନଙ୍କୁ ଭାରତୀୟ ସେନା ତଡିବାରେ ସଫଳ ହୋଇଥିଲେ । ସେହିପରି ଏଥିରେ ଭାରତୀୟ ସେନାର କୌଣସି ଯବାନ ଗୁରୁତର ଆହତ ହୋଇନଥିବା ପ୍ରତିରକ୍ଷା ମନ୍ତ୍ରୀ ଗୃହକୁ ଅବଗତ କରିଥିଲେ ।