Manipur landslide: ଉଦ୍ଧାରସ୍ଥଳରେ ପୁଣି ଭୂସ୍ଖଳନ, କ୍ୟାମେରାରେ ଦୃଶ୍ୟ କଏଦ

ମଣିପୁର ଭୂସ୍ଖଳନ ସ୍ଥଳରେ ଜାରି ରହିଛି ଉଦ୍ଧାର ପ୍ରକ୍ରିୟା । ପୁଣି ହେଲା ଭୂସ୍ଖଳନ । ଅଧିକ ପଢନ୍ତୁ

ଇମ୍ଫାଲ:ମଣିପୁର ନୋନି ଜିଲ୍ଲାରେ ହୋଇଥିବା ଭୟଙ୍କର ଭୂସ୍ଖଳନରେ ଏବେବି ଉଦ୍ଧାର ପ୍ରକ୍ରିୟା ଶେଷ ହୋଇ ନଥିବା ବେଳେ ଉକ୍ତ ସ୍ଥାନରେ ପୁଣି ଏକ ଭୂସ୍ଖଳନ ଘଟିଛି । ଭୂସ୍ଖଳନର ସମ୍ପୂର୍ଣ୍ଣ ଦୃଶ୍ୟ ମଧ୍ୟ କ୍ୟାମେରାରେ କଏଦ ହୋଇଛି । ମଣିପୁର ମାଉଣ୍ଟ୍ରେନିଂ ଓ ଟ୍ରାକିଂ ଆସୋସିଏସନ ପକ୍ଷରୁୁ ଏହି ଭିଡିଓ ଜାରି କରାଯାଇଛି । ତେବେ ଏଥିରେ କ୍ଷୟକ୍ଷତିର ସୂଚନା ଏବେ ସୁଦ୍ଧା ସ୍ପଷ୍ଟ ହୋଇ ପାରିନାହିଁ ।

ଏହା ମଧ୍ୟ ପଢନ୍ତୁ:-Manipur landslide: ଘଟଣାସ୍ଥଳରେ ମୁଖ୍ୟମନ୍ତ୍ରୀ, କହିଲେ ରାଜ୍ୟର ସବୁଠୁ ଦୁଃଖଦ ଘଟଣା

ଉଦ୍ଧାର କାର୍ଯ୍ୟରେ ଜେସିବି ମେସିନ ଓ ସୁରକ୍ଷା ବଳର ଯବାନମାନେ ନିୟୋଜିତ ରହିଛନ୍ତି । ପ୍ରକ୍ରିୟା ଜାରି ରହିଥିବା ବେଳେ ପୁଣି ଥରେ ଏପରି ଭୂସ୍ଖଳନ ଉଦ୍ଧାର ପ୍ରକ୍ରିୟାରେ ବାଧା ମଧ୍ୟ ସୃଷ୍ଟି କରିଛି । ଗତକାଲି ମୁଖ୍ୟମନ୍ତ୍ରୀ ଏନ ବୀରେନ ସିଂ ଘଟଣାସ୍ଥଳ ପରିଦର୍ଶନ କରିବା ସହିତ ଉଦ୍ଧାର ପକ୍ରିୟା ତଦାରଖ ମଧ୍ୟ କରିଥିଲେ । ଏବେ ସୁଦ୍ଧା 20 ମୃତଦେହ ଉଦ୍ଧାର ହୋଇସାରିଲାଣି । ମୃତକଙ୍କ ମଧ୍ୟରେ 15 ଯବାନ ଓ 5ଜଣ ସାଧାରଣ ଲୋକ ରହିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ