ନୂଆଦିଲ୍ଲୀ: ଜମ୍ମୁ କାଶ୍ମୀରରେ 4G ଇଣ୍ଟରନେଟ ସେବା ପୁନଃଆରମ୍ଭ ନିଷ୍ପତ୍ତିକୁ ସ୍ବାଗତ ଜଣାଇଛି ଆମେରିକା । ନିଜ ବୟାନରେ ଆମେରିକା କହିଛି ଯେ ଆମେ ଭାରତର ଜମ୍ମୁ କାଶ୍ମୀରରେ 4G ଇଣ୍ଟରନେଟ ସେବା ପୁନଃଆରମ୍ଭ ନିଷ୍ପତ୍ତିକୁ ସ୍ବାଗତ ଜଣାଉଛୁ । ଏହା ସ୍ଥାନୀୟ ବାସିନ୍ଦାଙ୍କ ପାଇଁ ଏକ ମହତ୍ବପୂର୍ଣ୍ଣ ପଦକ୍ଷେପ । ଆମେ ଜମ୍ମୁ କାଶ୍ମୀରେ ସାମାନ୍ୟ ସ୍ଥିତି ନେଇ ରାଜନୈତିକ ଓ ଆର୍ଥିକ ପ୍ରଗତି ଜାରି ରହୁ ବୋଲି ଆଶା କରୁଛୁ ।
ଫେବୃଆରୀ 5ରେ ଘାଟିରେ 4G ଇଣ୍ଟରନେଟ ସେବା ପୁନଃଆରମ୍ଭ ନେଇ ଘୋଷଣା କରିଥିଲା ଜମ୍ମୁ କାଶ୍ମୀର ପ୍ରଶାସନ । ଧାରା 370 ଉଚ୍ଛେଦ ହେବା ଦିନରୁ ଏଠାରେ ଇଣ୍ଟରନେଟ ସେବା ବନ୍ଦ କରିଦିଆଯାଇଥିଲା । ତେବେ ଦୀର୍ଘ 18 ମାସ ପରେ ଏହି ସେବା 4G ଇଣ୍ଟରନେଟ ସେବା ପୁନଃଆରମ୍ଭ ହୋଇଛି ।