ନୂଆଦିଲ୍ଲୀ: କେଜ୍ରିଓ୍ବାଲ ସରକାରକୁ ବରଖାସ୍ତ କରିବା ପାଇଁ ରାଷ୍ଟ୍ରପତିଙ୍କ ପାଖରେ ଫେରାଦ ହେବ ବିଜେପି । ଆସନ୍ତାକାଲି (ମଙ୍ଗଳବାର) ସମସ୍ତ ବିଜେପି ବିଧାୟକ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ (President Droupadi Murmu) ସାକ୍ଷାତ କରି କେଜ୍ରିଓ୍ବାଲ ସରକାରକୁ ବରଖାସ୍ତ ପାଇଁ ସ୍ମାରକପତ୍ର (BJP MLAs to give memorandum to President ) ପ୍ରଦାନ କରିବାକୁ ଯାଉଛନ୍ତି । ଆସନ୍ତାକାଲି ଦଳ ପକ୍ଷରୁ ହେବାକୁ ଥିବା ଏହି କାର୍ଯ୍ୟକ୍ରମ ନେଇ ବିଜେପି ନେତା ତଥା ବିରୋଧୀ ଦଳ ନେତା ରାମବୀର ସିଂ ବିଧୁଡି ଟ୍ବିଟ କରି ସୂଚନା ଦେଇଛନ୍ତି ।
ଏକ ପ୍ରେସମିଟକୁ ସମ୍ବୋଧିତ କରି ବିଧୁଡି କହିଛନ୍ତି, ଆସନ୍ତାକାଲି ପୂର୍ବାହ୍ନ ପ୍ରାୟ 10 ଟାରେ ବିଜେପି ବିଧାୟକମାନେ ବିଜୟଚୌକରୁ ରାଷ୍ଟ୍ରପତି ଭବନ ଅଭିମୁଖେ ପଦଯାତ୍ରା କରିବେ । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟି ଅରବିନ୍ଦ କେଜ୍ରିଓ୍ବାଲଙ୍କ ନେତୃତ୍ବାଧୀନ ଆମ ଆଦମୀ ପାର୍ଟି (AAP)ସରକାରକୁ ବରଖାସ୍ତ କରିବା ପାଇଁ ସ୍ମାରକପତ୍ର ପ୍ରଦାନ କରିବେ ।
ଦିଲ୍ଲୀରେ ବର୍ତ୍ତମାନ ଅବକାରୀ ଦୁର୍ନୀତିର ତଦନ୍ତ ଜାରି ରଖିଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ ଓ ପ୍ରବର୍ତ୍ତନ ନିର୍ଦ୍ଦେଶାଳୟ । ଏହି ମାମଲାରେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ମଧ୍ୟ ଜେରା କରିବା ସହ ତାଙ୍କ ବାସଭବନରେ ଚଢାଉ କରି ସାରିଛି ସଂସ୍ଥା । ବିରୋଧୀ ଦଳ ନେତା ବିଧୁଡି ଅଭିଯୋଗ କରିଛନ୍ତି ଦିଲ୍ଲୀ ସରକାରରେ ଏହା ବ୍ୟତୀତ ଏକାଧିକ ଦୁର୍ନୀତି ମଧ୍ୟ ହୋଇଛି । ଦିଲ୍ଲୀ ପରିବହନ ନିଗମ(DTC) ରେ ପ୍ରାୟ 3,200 କୋଟିର ଦୁର୍ନୀତି ଓ ଦିଲ୍ଲୀ ଜଳ ବୋର୍ଡରେ ପ୍ରାୟ 58 ହଜାର କୋଟିର ଅନିୟମିତତା ହୋଇଛି । ଏକାଧିକ ଦୁର୍ନୀତିରେ ସାମିଲ ଦିଲ୍ଲୀର କେଜ୍ରିଓ୍ବାଲ ସରକାରକୁ ବରଖାସ୍ତ କରିବା ପାଇଁ ଦଳ ରାଷ୍ଟ୍ରପତିଙ୍କୁ ସ୍ମାରକପତ୍ର ପ୍ରଦାନ କରିବ (memorandum for dismissal of the Kejriwal govt)।