ଜୟପୁର: ସଶସ୍ତ୍ର ବଳରେ ଯୁବଶକ୍ତିଙ୍କ ନିଯୁକ୍ତି ପାଇଁ ଅଗ୍ନିପଥ (Agnipath) ଯୋଜନା ଆଣିଛନ୍ତି କେନ୍ଦ୍ର ସରକାର । ତିନି ସେନା ଯଥା ସ୍ଥଳସେନା, ବାୟୁସେନା ଓ ନୌସେନାରେ ଏହି ନିଯୁକ୍ତି ସୁଯୋଗ ପାଇବେ ଦେଶର ଯୁବଶକ୍ତି । ଏହି ଯୋଜନା ଯୁବଶକ୍ତିକୁ ସଶକ୍ତ କରିବା ସହ ସେନାରେ ଯୁବଶକ୍ତି ବୃଦ୍ଧି କରିବାରେ ସହାୟକ ହେବ ବୋଲି କହିଛନ୍ତି ଦକ୍ଷିଣ ପଶ୍ଚିମ ସେନା କମାଣ୍ଡର ଲେଫ୍ଟନାଣ୍ଟ ଜେନେରାଲ ଅମରଦୀପ ସିଂ ବିନ୍ଦର । ସେ ଏହା ମଧ୍ୟ କହିଛନ୍ତି ପ୍ରତିରକ୍ଷା ପ୍ରତିଷ୍ଠାନ ବାଧ୍ୟତାମୂଳକ ସାମରିକ କର୍ତ୍ତବ୍ୟ ପ୍ରଣାଳୀ ଉପରେ ଦୃଷ୍ଟି ଦେଉନାହିଁ ।
ପ୍ରତିରକ୍ଷା ମନ୍ତ୍ରଣାଳୟର ଅଗ୍ନିପଥ ଯୋଜନା ହେଉଛି ଏକ ବୈପ୍ଲବିକ ପରିବର୍ତ୍ତନ । ଏହା ସେନାର ଯୁବ ଶକ୍ତିକୁ ସଶକ୍ତ କରିବ ବୋଲି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । କମାଣ୍ଡର ଲେଫ୍ଟନାଣ୍ଟ ଜେନେରାଲ ଅମରଦୀପ ସିଂ ବିନ୍ଦର । ସଶସ୍ତ୍ର ବାହିନୀ ବାଧ୍ୟତାମୂଳକ ସାମରିକ ତାଲିମ ନେଇ ପଚରା ଯାଇଥିବା ପ୍ରଶ୍ନରେ ସେନାଧ୍ୟକ୍ଷ ଏହି ସମ୍ଭାବନାକୁ ଏଡ଼ାଇ କହିଛନ୍ତି ଯେ, "ଆମେ ବାଧ୍ୟତାମୂଳକ ସାମରିକ କର୍ତ୍ତବ୍ୟ ପ୍ରଣାଳୀକୁ ଦେଖୁନାହୁଁ, ଆମେ ଅଧିକ ଯୁବଶକ୍ତିକୁ ସେନାରେ ସାମିଲ ହେବାକୁ ଗୁରୁତ୍ବ ଦେଉଛୁ । ଆମେ ଆଶା କରୁଛୁ ଯେ, 90 ଦିନ ମଧ୍ୟରେ ନିଯୁକ୍ତି ଆରମ୍ଭ ହେବ ।"