ଡେରାଡୁନ: -2 ଡ୍ରିଗ୍ରୀର ହାଡ଼ଭଙ୍ଗା ଶୀତରେ ଖୋଲା ଦେହରେ ତପ କରୁଛନ୍ତି ସାଧୁ। ଉତ୍ତରାଖଣ୍ଡର ଉତ୍ତରକାଶୀ ଯମୁନେତ୍ରୀ ଧାମରେ ଏଭଳି ଏକ ଚିତ୍ର ଦେଖିବାକୁ ମିଳିଛି । 3 ହଜାର ମିଟର ଉଚ୍ଚ ତୁଷାରଚ୍ଛନ୍ନ ପାହାଡ଼ ଉପରେ ଜଣେ ସାଧୁ ବାବା ଅର୍ଦ୍ଧନଗ୍ନ ଅବସ୍ଥାରେ ତପସ୍ୟା କରୁଥିବା ଦେଖିବାକୁ ମିଳିଛି। ବାବାଙ୍କ ଏଭଳି ଏକ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାକୁ ଲାଗିଛି। ଏଭଳି ଏକ ଭିଡିଓକୁ ଖୁବ ପସନ୍ଦ କରୁଛନ୍ତି ସାମାଜିକ ସୋସିଆଲ ମିଡିଆ ୟୁଜର।
ହାଡ଼ଭଙ୍ଗା ଶୀତରେ ସାଧୁବାବଙ୍କ ତପସ୍ୟା
ସ୍ଥାନୀୟ ହନୁମାନ ମନ୍ଦିରର ଜଣେ ସାଧୁ ବାବା ତୁଷାରଚ୍ଛନ୍ନ ପାହାଡ଼ ଉପରେ ବସି ତପସ୍ୟା କରୁଥିବା ଦେଖିବାକୁ ମିଳିଥିଲା। ହାଡ଼ଭଙ୍ଗା ଶୀତ ଯେପରି ତାଙ୍କ ପାଇଁ ଏକ ଗରମ ଶଯ୍ୟା ପାଲଟିଛି। ଖାଲି ସେତିକି ନୁହେଁ ଏଭଳି ଶୀତରେ ବାବା ଜଣକ ନାନା କସରତ କରୁଥିବା ମଧ୍ୟ ଦେଖିବାକୁ ମିଳିଛି। ବାବାଙ୍କ ଭିଡିଓକୁ ଦେଖି ଦେଶରେ ଶୀତ ଖେଳିଗଲା ଭଳି ମନେ ହେଉଛି।