କୋଲକାତା: ବଙ୍ଗୋପସାଗରରେ ବୁଡି ଯାଇଥିବା ଟ୍ରଲରୁ ପଶ୍ଚିମବଙ୍ଗର ଦକ୍ଷିଣ 24 ପ୍ରଗଣା ଜିଲ୍ଲାର 9 ଜଣ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର ହୋଇଛି । ଏପର୍ଯ୍ୟନ୍ତ ଜଣେ ବ୍ୟକ୍ତି ନିଖୋଜ ଥିବା ଜଣାପଡିଛି । ନିଖୋଜ ବ୍ୟକ୍ତିଙ୍କୁ ଖୋଜା ଖୋଜି ଜାରିରହିଛି ।
ସୂଚନା ଅନୁଯାୟୀ, ବୁଧବାର ସକାଳେ ବଖାଳି ଉପକୂଳବର୍ତ୍ତି ରାକେତଶ୍ବରୀ ଦ୍ବୀପ ନିକଟରେ ଉଚ୍ଚ ଜୁଆର ଆଶିବାରୁ ହେମାବତୀ ନାମକ ଏକ ଟ୍ରଲର ଓଲଟି ପଡିଥିଲା । ଟ୍ରଲର ଚଳାଉଥିବା ମତ୍ସ୍ୟଜୀବୀ ଶଙ୍କର ସାଶମଲ ମାଝି ଏବଂ ସୈକେତ ଦାସ କୌଶଳ କ୍ରମ ପାଣିକୁ ଡେଇଁ ପଡିଥିଲେ । ପରେ ଅନ୍ୟ ଏକ ମତ୍ସ୍ୟଜୀବୀ ଡଙ୍ଗା ସେମାନଙ୍କୁ ସୁରକ୍ଷିତ ଉଦ୍ଧାର କରିଛି ।