ମୁମ୍ବାଇ:ଉତ୍ତରପ୍ରଦେଶର ଲକ୍ଷ୍ନୌରୁ ମୁମ୍ବାଇ ଅଭିମୁଖେ ଯାଉଥିବା ଲକ୍ଷ୍ନୌ-ମୁମ୍ବାଇ ପୁଷ୍ପକ ଏକ୍ସପ୍ରେସର ସ୍ଲିପର କୋଚ୍ରେ ଶୁକ୍ରବାର ଜଣେ ମହିଳାଙ୍କୁ ଗଣଦୁଷ୍କର୍ମ କରିଥିଲେ କିଛି ଦୁର୍ବୃତ୍ତ । ଏହି ନିନ୍ଦନୀୟ ଘଟଣାରେ ଆଜି(ରବିବାର) ମୁମ୍ବାଇର କଲ୍ୟାଣ ଲୋହମାର୍ଗ ପୋଲିସ ୮ ଜଣ ଅଭିଯୁକ୍ତଙ୍କୁ ଗିରଫ କରି ଅଧିକ ତଦନ୍ତ ଜାରି ରଖିଛି ପୋଲିସ ।
Pushpak Express ଗଣଦୁଷ୍କର୍ମ ମାମଲା, ୮ ଅଭିଯୁକ୍ତ ଗିରଫ
ଗିରଫ ହୋଇଥିବା ୮ ଜଣ ଅଭିଯୁକ୍ତ ହେଉଛନ୍ତି ଅର୍ଶଦ ଖାନ, ପ୍ରକାଶ ପର୍ଦ୍ଧି, କିଶୋର ସୋନାୱାନେ, କାଶୀନାଥ ଓରଫ କଶ୍ୟା ତେଲାଙ୍ଗ, ଆକାଶ ଶେନାରେ, ଧନଞ୍ଜୟ ଭଗତ ଓରଫ ଗୁଡୁ । ଅନ୍ୟ ୨ ଜଣ ଅଭିଯୁକ୍ତଙ୍କ ନାମ ସ୍ପଷ୍ଟ ହୋଇନାହିଁ । ଏହି ୮ ଜଣ ଅଭିଯୁକ୍ତ ପରସ୍ପର ସାଙ୍ଗ ବୋଲି ଜଣାପଡ଼ିଛି । ଏମାନଙ୍କ ମଧ୍ୟରୁ ୭ ଜଣ ମହାରାଷ୍ଟ୍ରର ଘୋଟି ଅଞ୍ଚଳରେ ରହୁଥିବା ବେଳେ ଜଣଙ୍କ ଘର ମୁମ୍ବାଇରେ ବୋଲି ଜଣାପଡ଼ିଛି । ଏହି ଅଭିଯୁକ୍ତମାନେ ଡ୍ରଗ୍ସ ସେବନ କରନ୍ତି ବୋଲି ପ୍ରାଥମିକ ତଦନ୍ତରୁ ପୋଲିସ କହିଛି । ତେବେ ଡ୍ରଗ୍ସ ନିଶାରେ ଏମାନେ ଏଭଳି ଜଘନ୍ୟ କାଣ୍ଡ ଘଟାଇଥିବା ପୋଲିସ କହିଛି ।