ଶ୍ରୀନଗର: ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲା ସିମଥାନ ବିଜହେରା ଅଞ୍ଚଳରେ ଆତଙ୍କବାଦୀ ଓ ସୁରକ୍ଷାବାହିନୀ ମଧ୍ୟରେ ଗୁଳି ବିନିମୟ ହୋଇଛି । ଏହି ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଛି (One militant killed in Simthan Anantnag ) । ଏହାସହିତ ଅୱନ୍ତିପୋରା ଠାରେ ହୋଇଥିବା ଏନକାଉଣ୍ଟରରେ ୩ ଜଣ ଆତଙ୍କବାଦୀ ନିହତ ହୋଇଥିବା ଜଣାପଡ଼ିଛି ।
ରିପୋର୍ଟ ଅନୁସାରେ ପୋଲିସ ଓ ସୁରକ୍ଷା ବାହିନୀଙ୍କ ମଧ୍ୟରେ ମିଳିତ ଅପରେସନ ଆରମ୍ଭ ହୋଇଥିଲା (Search operation in Simthan area ) । ଅନନ୍ତନାଗ ଜିଲ୍ଲାର ସିମଥାନ ଅଞ୍ଚଳରେ ଏହି ସର୍ଚ୍ଚ ଅପରେସନ ହୋଇଥିବା ବେଳେ ଏକ ନିର୍ଜନ ସ୍ଥାନରେ ଆତଙ୍କବାଦୀ ଲୁଚି ରହିଥିବା ପୋଲିସ ବିଶେଷ ସୂତ୍ରରୁ ଖବର ପାଇଥିଲା । ପୋଲିସ ଓ ସୁରକ୍ଷାବାହିନୀ ଉକ୍ତ ସନ୍ଦେହପୂର୍ଣ୍ଣ ସ୍ଥାନରେ ଅପରେସନ ଆରମ୍ଭ କରିଥିବା ବେଳେ ଲୁଚି ରହିଥିବା ଆତଙ୍କାବଦୀ ମାନେ ଗୁଳିମାଡ଼ କରିଥିଲେ । ଏହା ପରେ ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗନ୍ଫାଇଟ ହୋଇଥିଲା ।